நடைபயிற்சி உடலை ஆரோக்கியமாக வைத்திருக்க மிகச் சிறந்த உடற்பயிற்சிகளில் ஒன்று. இதனால் இதயம் ஆரோக்கியமாக இருப்பது, மனஅழுத்தம் குறைவது, உடல் செயல்பாடுகள் மேம்படுவது போன்ற பல நன்மைகள் கிடைக்கின்றன. குறிப்பாக எடை குறைக்க தினமும் நடப்பவர்கள் ஏராளம். ஆனால், சிலர் தினமும் நடக்கிறார்கள்… அதற்குப் பிறகும் எடை குறையாமல் இருப்பது ஒரு பெரிய கேள்வி. நிபுணர்களின் கூற்றுப்படி, இது உங்கள் உடலில் பிரச்சனை என்பதல்ல. நடைபயிற்சி செய்யும் போது பலர் செய்யும் சில பொதுவான தவறுகள்தான் எடை குறையாமல் இருக்க காரணம். அவை என்ன என்பதை பார்க்கலாம்.
தவறாக நடப்பது: நிபுணர்களின் கூற்றுப்படி, பலர் நடக்கும்போது தங்கள் கால்களை முழுமையாக அசைக்காமல், பாதியிலேயே இழுத்துக் கொண்டு நடக்கிறார்கள். இது உடலில் கலோரி எரிதலை குறைத்து, எடை குறைப்பில் எந்த மாற்றத்தையும் ஏற்படுத்தாது. கை கால்களை முழுமையாக் அசைத்து நடைப்பயிற்சி செய்வது தான் மெட்டபாலிசம் அதிகரித்து, கலோரி எரிதலுக்கு உதவும் என்று மருத்துவ நிபுணர்கள் கூறுகின்றனர்.
மேலும், நடப்பது போதும் பலர் தொலைபேசியில் கவனம் செலுத்துவது கூட எடை குறையாததற்கான முக்கிய காரணமாக குறிப்பிடப்பட்டுள்ளது. மொபைல் நோக்கி நடப்பதால் நடை வேகம் குறைவதோடு, கழுத்து மற்றும் தோள்பட்டை மீது அதிக அழுத்தம் ஏற்படுகிறது. இது உடல்நலத்துக்கும் தீங்கானது என்பதோடு, நடைபயிற்சியின் பயனையும் பாதிக்கும்.
மெதுவான வேகம்: எடை குறைக்க தினமும் நடக்கும் பலருக்கு, மெதுவாக நடப்பது ஒரு முக்கிய தடையாக நிபுணர்கள் குறிப்பிடுகின்றனர். மெதுவான நடை, உடலில் கலோரி எரிவதை மிக குறைவாகத் தூண்டுவதால், எடை குறைவதற்கான வாய்ப்பும் குறைகிறது. எடை குறைக்க முயற்சிப்பவர்கள் வேகமாக நடப்பதையே தேர்வு செய்ய வேண்டும். வேகமான நடை, இதய துடிப்பை உயர்த்தி, மெட்டபாலிசம்-ஐ அதிகரித்து, கலோரிகளை வேகமாக எரிக்க உதவும் என மருத்துவர்கள் வலியுறுத்துகின்றனர்.
வழக்கமான நடைப்பயிற்சி இல்லாமை: உடல் எடையை குறைக்க நடைப்பயிற்சி சிறந்த மற்றும் எளிய வழி என்றாலும், அதைக் வழக்கமாக செய்யாதவர்கள் எந்த மாற்றத்தையும் காண்பது கடினம் என நிபுணர்கள் சுட்டிக்காட்டுகிறார்கள். சிலர் வாரத்தில் இரண்டு, மூன்று நாட்களே நடைப்பயிற்சி மேற்கொள்கிறார்கள். இப்படி ஒழுங்கற்ற நடைப்பயிற்சி எடை குறையாது.
உடலில் இருக்கும் அதிகப்படியான கலோரிகளை எரிக்க, தினமும் ஒரு இடைவிடாத இயக்கம் தேவையாகிறது. ஆனால் நடைப்பயிற்சியை தொடர்ந்து மேற்கொள்ளாததால், உடல் கொழுப்பை எரிக்கும் வாய்ப்பு குறைந்து விடுகிறது. இதனால் எடை குறைவு எந்த விதத்திலும் நடைபெறாது.
ஊட்டச்சத்து குறைபாடு: எடை குறைக்க விரும்பினால் நடைப்பயிற்சியுடன், சீரான உணவை உட்கொள்வதும் மிகவும் முக்கியம். நடைப்பயிற்சிக்குப் பிறகு அதிக கலோரி உணவுகள் மற்றும் குப்பை உணவை சாப்பிட்டால், உங்கள் எடை அதிகரிக்கும், குறையாது. எனவே, எடை குறைக்க விரும்புவோர் பழங்கள், காய்கறிகள், முழு தானியங்கள், குறைந்த கொழுப்பு மற்றும் அதிக புரதம் உள்ள உணவுகளை சாப்பிட வேண்டும்.
தண்ணீர் குடிக்காமல் இருப்பது: தண்ணீர் நம் உடலுக்கு மிகவும் முக்கியமானது. போதுமான அளவு தண்ணீர் குடிக்கவில்லை என்றால், உங்கள் உடல் நீரிழப்புக்கு ஆளாகிறது. இது உங்கள் எடை இழப்பைத் தடுக்கும். எனவே, நீங்கள் எடை இழக்க விரும்பினால், நிறைய தண்ணீர் குடிக்கவும், தேங்காய் தண்ணீர் மற்றும் பழச்சாறுகளை அதிகமாக குடிக்கவும். இது உங்கள் உடலில் உள்ள எலக்ட்ரோலைட்டுகளை சமநிலையில் வைத்திருக்கும்.
ஒரே இடத்தில் நடப்பது: ஒரே இடத்தில் நடப்பதால் எடை குறைய மாட்டீர்கள். அதாவது உங்கள் உடல் அதே தசைகளைப் பயன்படுத்துகிறது. அதாவது நீங்கள் எடை குறைய மாட்டீர்கள். எனவே வெவ்வேறு வழிகளில் நடக்கவும். வெவ்வேறு பரப்புகளில் நடக்கவும். இது உங்கள் உடலில் உள்ள வெவ்வேறு தசைகளுக்கு பயிற்சி அளிக்கும். நீங்கள் எடை குறைப்பீர்கள்.
Read more: 2026 இல் தங்கம் விலை குறைய வாய்ப்புள்ளதா? நிபுணர்களின் பதில் இதுதான்..!
