கே.ஜி.எஃப் 1, 2 படங்களின் மாபெரும் வெற்றிக்கு பிறகு நடிகர் யாஷ் தற்போது டாக்ஸிக் படத்தில் நடித்து வருகிறார்.. இந்த படத்தை கீது மோகன்தாஸ் இயக்கியுள்ளார். யாஷின் பிறந்தநாளை முன்னிட்டு டாக்ஸிக் படத்தின் டீசரை படக்குழு வெளியிட்டுள்ளது..
இந்த டீசரில் யாஷின் ராயா என்ற கேரக்டர் அறிமுகம் செய்யப்பட்டுள்ளது.. மாஸான, ஸ்டைலிஷான் லுக்கில் யாஷ் தோன்றி உள்ளார்.. கேஜிஎஃப் படத்தை விட பன்மடங்கு மாஸ் ஆக்ஷன் காட்சிகள் இந்த டீசரில் இடம்பெற்றுள்ளன.. மேலும் ஆபாசக் குறியீடுகள் அடங்கிய காட்சிகளும் இடம்பெற்றுள்ளது.. இந்த டீசரில் ‘டாடி இஸ் ஹோம்’ என்ற ஒரே ஒரு வசனம் மட்டும் யாஷ் பேசி உள்ளார். மொத்தத்தில் யாஷ் ரசிகர்களுக்கு ஒரு ட்ரீட்டாக இந்த டீசர் அமைந்துள்ளது..
டாக்ஸிக் படத்தில் 5 ஹீரோயின்கள் நடிக்கின்றனர்.. நயன்தாரா கங்கா என்ற கதாபாத்திரத்திலும், கியாரா அத்வானி நாடியா என்ற கதாபாத்திரத்திலும், ருக்மிணி வசந்த் மெலிசா என்ற கதாபாத்திரத்திலும், ஹுமா குரேஷி எலிசபெத் என்ற கதாபாத்திரத்திலும், தாரா சுதாரியா ரெபேக்கா என்ற கதாபாத்திரத்திலும் நடிக்கின்றனர்.
இந்தப் படம் மார்ச் 19 அன்று வெளியாக உள்ளது. இந்திய மொழிகளுடன், இந்தப் படம் ஆங்கிலத்திலும் ஒரே நேரத்தில் படமாக்கப்பட்டு வருகிறது. உண்மையில், ஆங்கிலத்தில் படமாக்கப்படும் முதல் இந்தியப் படம் என்ற சாதனையை ‘டாக்ஸிக்’ படைத்துள்ளது. ராக்கிங் ஸ்டார் யாஷ் நடித்துள்ள இந்தப் படம் கன்னடம், தெலுங்கு, இந்தி, தமிழ், மலையாளம் உள்ளிட்ட பல இந்திய மற்றும் சர்வதேச மொழிகளில் டப் செய்யப்பட உள்ளது.
கே.வி.என் புரொடக்ஷன்ஸ் மற்றும் யாஷ் மான்ஸ்டர் மைண்ட் கிரியேஷன்ஸ் சார்பில் வெங்கட் நாராயணா இணைந்து இந்த படத்தை தயாரித்துள்ளனர். சன்டான்ஸ் திரைப்பட விழா மற்றும் டொராண்டோ திரைப்பட விழா உட்பட பல சர்வதேச தளங்களில் விருதுகளை வென்ற கீது மோகன்தாஸ் இந்தப் படத்தை பிரம்மாண்டமாக இயக்கி வருகிறார்.
ஜான் விக் மற்றும் ஃபாஸ்ட் அண்ட் ஃபியூரியஸ் உரிமைகளுக்காகப் பணியாற்றிய ஜே.ஜே. பெர்ரி, இந்தப் படத்தின் ஆக்ஷன் காட்சிகளின் மூலம் உலக ரசிகர்களுக்கு விருந்து படைக்க உள்ளார். சமீபத்தில் ‘டூன் பார்ட் 2’ திரைப்படத்தின் விஷுவல் எஃபெக்ட்ஸுக்காக பாஃப்டா திரைப்பட விருதை வென்ற டினெக், இந்தப் படத்திற்கு விஷுவல் எஃபெக்ட்ஸ் பணிகளை மேற்கொள்கிறார். இந்தப் படம் சுமார் 300 கோடி ரூபாய் பிரம்மாண்ட பட்ஜெட்டில் உருவாக்கப்படுவதாகக் கூறப்படுகிறது.
Read More : புதிய கீதை முதல் ஜனநாயகன் வரை; இதுவரை சர்ச்சையில் சிக்கிய விஜய் படங்கள் என்னென்ன?
