இன்றைய அவசர உலகில், வாரத்திற்கு ஒருமுறை மாவு அரைத்து அதை குளிர்சாதனப் பெட்டியில் (Fridge) சேமித்து வைத்துப் பயன்படுத்துவது பல இல்லத்தரசிகளின் வாடிக்கையாகிவிட்டது. ஆனால், இத்தகைய பழக்கம் நம் ஆரோக்கியத்திற்கு மெல்லக் கொல்லும் நஞ்சாக மாறக்கூடும் என மருத்துவ நிபுணர்கள் எச்சரிக்கின்றனர். வேலைப்பழுவைக் குறைக்க நாம் மேற்கொள்ளும் இந்த சிறு குறுக்குவழி, கடுமையான செரிமான கோளாறுகளுக்கு காரணியாக அமைகிறது.
மாவை நீண்ட நாட்கள் ஃபிரிட்ஜில் வைக்கும்போது, அது அளவுக்கு அதிகமாக புளிப்படைய தொடங்குகிறது. இத்தகைய முற்றிய மாவில் செய்யப்படும் உணவுகளை உட்கொள்வதால், வயிற்றில் அமிலத்தன்மை அதிகரித்து நெஞ்சு எரிச்சல், வாயுத் தொல்லை மற்றும் வயிற்று உப்புசம் போன்ற பிரச்சனைகள் ஏற்படுகின்றன. சில நேரங்களில் இது தீவிரமான வயிற்றுப்போக்கு மற்றும் குடல் சார்ந்த அசௌகரியங்களுக்கும் வழிவகுப்பதாக மருத்துவர்கள் சுட்டிக்காட்டுகின்றனர்.
சுகாதாரமான வாழ்விற்கு, அரைத்த மாவை அதிகபட்சமாக இரண்டு நாட்களுக்குள் பயன்படுத்தி முடிப்பதே சிறந்தது. அதற்கு மேல் சேமிக்கப்படும் மாவில் பாக்டீரியாக்களின் வளர்ச்சி மற்றும் வேதி மாற்றங்கள் நிகழ்வதால், அது உணவின் ஊட்டச்சத்தைக் குறைப்பதோடு உடலுக்கும் தீங்கு விளைவிக்கிறது. எனவே, ஆரோக்கியமான செரிமானத்திற்கும் சுறுசுறுப்பான உடல்நிலைக்கும், அவ்வப்போது புதிதாக அரைத்த மாவையே பயன்படுத்துவது சிறந்தது.
Read More : புஸ்ஸி ஆனந்த் vs ஜான் ஆரோக்கியசாமி..!! திடீரென வெடித்த மோதல்..!! விஜய்க்கு பெரும் தலைவலி..!!
