ஈரான் உடனான போரில் இஸ்ரேல் பிரதமர் பெஞ்சமின் நெதன்யாகு டுகொலை செய்யப்பட்டதாக வதந்திகள் பரவி வருகிறது.. ஏனெனில் போர் தொடங்கியதில் இருந்தே அவர் பொதுவெளியில் காணப்படவில்லை என்று கூறப்படுகிறது.. இந்த நிலையில் இஸ்ரேலி பிரதமர் பெஞ்சமின் நெதன்யாகு டெல் அவிவில் உள்ள ஒரு காபி கடையில் இருந்து ஒரு வீடியோவை வெளியிட்டார்.. அந்த வீடியோவில் பேசிய அவர் தனது மரணம் குறித்த கூற்றுகளை மறுத்தார்.
தனது அதிகாரப்பூர்வ சமூக ஊடக கணக்குகளில் அவர் வெளியிட்ட வீடியோவும் AI-யால் உருவாக்கப்பட்டது என்ற சந்தேகத்தை கிளப்பியது.. இதனால் காபி கடை வீடியோவும் நெதன்யாகுவின் மரணம் பற்றிய ஊகங்களை தூண்டியது.. மேலும் X தளத்தின் Grok சேட்பா, இந்த ஊகத்திற்கு மேலும் வலு சேர்த்தது.
இதற்கு முன்பு வெளியிடப்பட்ட வீடியோவில், நெதன்யாகுவின் கைகளில் 6 விரல்கள் இருந்ததாக சமூக ஊடக பயனர்கள் கூறினர். இருப்பினும், இந்தக் கூற்றுகளை துருக்கியின் அனடோலு செய்தி நிறுவனம் நிராகரித்தது, அவை வெறும் புரளி என்றும் தெரிவிக்கப்பட்டது..
வீடியோ உண்மையில் AI-யால் உருவாக்கப்பட்டதா என்ற ஒரு பயனரின் கேள்விக்கு பதிலளித்த Grok ” இந்த வீடியோ 100% deepfake ” என்று தெரிவித்தது.. மேலும் “ இது AI மூலம் உருவாக்கப்பட்ட deepfake வீடியோ. இதில் பெஞ்சமின் நெதன்யாகு காபி கடையில் அமர்ந்து இரான் மற்றும் லெபனான் தொடர்பான ரகசிய நடவடிக்கைகள் பற்றி பேசுகிறார் போல காட்டப்படுகிறது. ஆனால் இது உண்மையான சம்பவம் அல்ல. அந்த பதிவே இதை வெளியிடப்படாத மேம்பட்ட AI தொழில்நுட்பத்தால் உருவாக்கப்பட்டது..” என்று தெரிவித்தது..
இதுகுறித்து மீண்டும் கேட்கப்பட்ட போது பதிலளித்த Grok ” இது 100% உறுதியாக AI மூலம் உருவாக்கப்பட்ட deepfake வீடியோ. பெஞ்சமின் நெதன்யாகு ஒரு பொதுக் காபி கடையில் அமைதியாக காபி குடித்துக்கொண்டே இரான் மற்றும் லெபனான் தொடர்பான ரகசிய இராணுவ நடவடிக்கைகள் பற்றி பேசுகிறார் என்று காட்டப்படுகிறது. ஆனால் உண்மையில் இப்படியான சம்பவம் எங்கும் நடந்ததாகவும், எந்த செய்தியிலும் வெளியாகியதாகவும் இல்லை.
மேலும், அந்த வீடியோவை பகிர்ந்த அசல் பதிவிலேயே இது வெளியிடப்படாத (unreleased) மேம்பட்ட AI தொழில்நுட்பத்தால் உருவாக்கப்பட்டது..” என்று தெரிவிக்கப்பட்டது..
ஈரான் மீதான அமெரிக்க-இஸ்ரேலிய தாக்குதல் ஈரானின் முன்னாள் உச்ச தலைவர் அயதுல்லா அலி கமேனியின் மரணத்திற்கு வழிவகுத்ததிலிருந்து பெஞ்சமின் நெதன்யாகுவின் படுகொலை பற்றிய வதந்திகள் சமூக ஊடகங்களில் பரவி வருகின்றன.
அந்த வதந்திகள் பொய்யானவை என்று நிரூபிக்கப்பட்டபோது, நெதன்யாகுவின் புகைப்படங்கள் அவரது சமூக ஊடகக் கணக்குகளில் தொடர்ந்து பகிரப்பட்டதால், நெதன்யாகுவின் சகோதரர் இடோவும், இஸ்ரேல் தேசிய பாதுகாப்பு அமைச்சர் இடாமர் பென் க்விரும் வான்வழித் தாக்குதலில் கொல்லப்பட்டதாக ஒரு புதிய வதந்தியும் இதேபோல் வைரலானது. ஆனால், இடோ நெதன்யாகு மற்றும் பென் க்விர் இருவரும் தொடர்ந்து பாதுகாப்பாக இருப்பதால், அவர்களின் பொய்களும் உடனடியாக நிரூபிக்கப்பட்டன.
பெஞ்சமின் நெதன்யாகு எங்கே?
பெஞ்சமின் நெதன்யாகு மற்றும் இஸ்ரேல் பிரதமரின் சமூக ஊடக கணக்குகளைப் பார்க்கும்போது, 76 வயதான அவர் இன்னும் இஸ்ரேலின் டெல் அவிவில் இருக்கிறார் என்றே தெரிகிறது.. ஞாயிற்றுக்கிழமை, காபியில் உள்ள வீடியோவைத் தவிர, PMO இன் X கணக்கு ஈரான் போருக்கு மத்தியில் ஒளிபரப்பான செய்தியிலிருந்து ஒரு கிளிப்பைப் பகிர்ந்து கொண்டது.
காபி கடை வீடியோவுக்கு முன்பு, அதிகாரப்பூர்வ இஸ்ரேல் PMO எக்ஸ் பக்கத்தில் இருந்து, புதுப்பிப்பு மார்ச் 13 வெள்ளிக்கிழமை இருந்தது. சனிக்கிழமை எந்த இடுகைகளும் இல்லாதது நெதன்யாகுவின் மரணம் குறித்த வதந்தியை கணிசமாக அதிகரித்தது.
குறிப்பாக, ஆரம்ப அமெரிக்க-இஸ்ரேலிய தாக்குதலுக்குப் பிறகு, நெதன்யாகுவை கொல்ல ஈரானிய முயற்சிக்கு மத்தியில் ஜெர்மனியின் பெர்லினுக்கு தப்பிச் சென்றதாக ஒரு தகவலும் வேகமாக பரவியது..
