புது மணமகன் ஒருவர் தனது முதலிரவில் தனது மனைவியுடன் பாலினத்தை மேம்படுத்தும் மாத்திரைகளை உட்கொண்டு உடலுறவு கொண்டதால் புது மணப்பெண் உயிரிழந்த சம்பவம் பரபரப்பை ஏற்படுத்தியுள்ளது.
உத்தரப்பிரதேச மாநிலம் ஹமிர்பூரில் தான் இந்த அதிர்ச்சி அரங்கேறியுள்ளது. திருமண உறவில் பாலுணர்வை அதிகரிக்கும் மாத்திரைகளை கணவர் உட்கொண்டதால் அந்த பெண்ணின் உடல்நிலை மோசமடைந்ததாக கூறப்படுகிறது. இதைத் தொடர்ந்து. கான்பூரில் உள்ள தனியார் மருத்துவமனைக்குக் கொண்டு செல்லப்பட்ட அந்தப் பெண், பரிதாபமாக உயிரிழந்தார். கடந்த 7ஆம் தேதி மருத்துவமனையில் அனுமதிக்கப்பட்ட பெண், பிப்ரவரி 10ஆம் தேதி உயிரிழந்ததாக மருத்துவமனை மருத்துவர்கள் தெரிவித்துள்ளனர்.
இதையடுத்து, கணவர் மற்றும் அவரது குடும்பத்தினர் மீது கடும் நடவடிக்கை எடுக்கக் கோரி உயிரிழந்த பெண்ணின் உறவினர்கள் காவல் கண்காணிப்பாளரிடம் (எஸ்பி) மனு அளித்தனர். கணவர் வீட்டை பூட்டிவிட்டு குடும்பத்துடன் ஊரை விட்டு ஓடியதாக செய்திகள் வெளியாகியுள்ளன. இறந்த பெண்ணுக்கு கடந்த 3ஆம் தேதி திருமணம் நடந்துள்ளது. பெண்ணின் பெற்றோர் ஏற்கனவே இறந்துவிட்டதால், அவரது சகோதரர் திருமணத்தை பிரமாண்டமாக ஏற்பாடு செய்ததாக தெரிகிறது. இதையடுத்து அந்த பெண் கடந்த 4ஆம் தேதி கணவர் வீட்டிற்கு சென்றார்.
ஆனால், முதலிரவின் போது பெண்ணின் கணவர் பாலினத்தை அதிகரிக்கும் மாத்திரைகளை சாப்பிட்டு உடலுறவு கொண்டார். அதனால் அந்த பெண்ணுக்கு பலத்த காயம் ஏற்பட்டதாகவும், அவரது உடல்நிலை மோசமடைந்ததாகவும் கூறப்படுகிறது. அவரை பரிசோதித்த பெண் மருத்துவர் அந்த பெண் கூட்டு பாலியல் வன்கொடுமைக்கு உள்ளான அளவுக்கு அவரின் உடல்நிலை மிகவும் மோசமான நிலையில் இருந்ததாக தெரிவித்துள்ளார். பெண்ணின் பிறப்புறுப்பில் ஏற்பட்ட காயம் மற்றும் தொற்று காரணமாக அவர் மருத்துவமனையில் பரிதாபமாக இறந்தார். இச்சம்பவம் அங்கு பெரும் அதிர்ச்சியை ஏற்படுத்தியுள்ளது.
