பாகிஸ்தானின் பெஷாவரில் உள்ள அப்ரிதி அபாத் பகுதியில், தனியார் பள்ளி ஒன்றின் மேற்கூரை இடிந்து விழுந்ததில் 21 மாணவர்கள் மற்றும் ஒரு ஆசிரியை உட்பட குறைந்தது 22 பேர் உயிரிழந்தனர்; மேலும் 21 பேர் காயமடைந்தனர். உயிரிழந்த குழந்தைகளின் வயது 7 முதல் 12க்குள் இருக்கும் எனத் தெரிவிக்கப்பட்டுள்ளது.
மேலும், காயமடைந்தவர்களில் 5 பேரின் உடல்நிலை கவலைக்கிடமாக உள்ளதாக லேடி ரீடிங் மருத்துவமனை தெரிவித்துள்ளது. காயமடைந்தவர்களைக் காப்பாற்றும் நோக்கில் மருத்துவமனையில் அவசர நிலை பிரகடனப்படுத்தப்பட்டு தீவிர சிகிச்சைகள் அளிக்கப்பட்டு வருகின்றன.
சம்பவ இடத்திற்கு விரைந்த மீட்புப் படையினர் இடிபாடுகளை அகற்றும் பணியில் தீவிரமாக ஈடுபட்டுள்ளனர். மேலும் பலர் இடிபாடுகளுக்குள் சிக்கியிருக்கலாம் அஞ்சப்படுவதால் மீட்புப் பணிகள் தொடர்ந்து நடைபெற்று வருகின்றன.
