மனிதர்களின் தன்மை மற்றும் இயல்பை ஒரு தலைமுறையில் இருந்து மற்றொரு தலைமுறைக்கு கொண்டு செல்லக்கூடிய சக்தியை மரபணுக்கள் கொண்டுள்ளன.
இவை ஆச்சரியமூட்டும் வழிகளில் வேலை பார்க்கின்றன. சமீபத்திய ஒரு ஆய்வின்படி, ஒரு நபர் இளமையாக இருக்கும்போது, என்ன சாப்பிட்டாரோ அது அவருடைய குழந்தை மற்றும் அவருடைய பேரப்பிள்ளை வரை கூட பாதிக்கலாம் என்று தெரியவந்துள்ளது. உணவு தேர்வுகள் கூட மரபணுக்களின் அடிப்படையில் அமைகிறது என்பதை இந்த ஆய்வு குறிப்பிடுகிறது.
நார்த் டக்கோட்டா பல்கலைக்கழகத்தைச் சேர்ந்த பேராசிரியர் நத்தானியல் ஜான்சன் மற்றும் பிற விஞ்ஞானிகளின் கருத்துக்களின் படி, ஒரு தனிநபரின் உணவு தேர்வுகள் எதிர்கால தலைமுறையின் மரபணுக்களை பாதிக்கலாம். 2-வது உலகப் போரின் போது நெதர்லாண்டின் நசி தொழில் செய்து வந்தவர்கள் இந்த ஆய்வுக்கான ஆதாரமாக எடுத்துக்கொள்ளப்பட்டுள்ளது. ஒரு நாளைக்கு 2000 கிலோ கலோரிகள் அவசியமாக கருதப்பட்ட போதிலும், டச் மக்கள் 400 முதல் 500 கிலோ கலோரிகள் உணவுகள் மூலமாக உயிர் வாழ வேண்டிய கட்டாயத்தில் இருந்தனர். இதனால் 20,000 நபர்கள் உயிரிழந்தனர். மேலும், 4.50 மில்லியன் நபர்கள் ஊட்டச்சத்து குறைபாட்டால் பாதிக்கப்பட்டனர்.
இது போன்ற சூழ்நிலையில் தாக்குப் பிடித்து உயிர் வாழ்ந்த பெண்கள் தங்களுடைய பிள்ளைகள் மற்றும் பேரப்பிள்ளைகளிடையே குறைவான தசை வளர்ச்சியை கண்டனர். இது உடற்பருமன், இதய நோய், நீரிழிவு நோய் போன்றவை ஏற்படுவதற்கான அபாயத்தை அதிகரிக்கலாம். அதுமட்டுமின்றி, உலகப்போர் இரண்டுக்கு பிறகான நெதர்லாந்து தலைமுறையினரில் குறைந்த பிறப்பு விகிதம் காணப்பட்டது. அதேபோல நேஷனல் ஹெல்த் சர்வீஸ் (National Health Service – NHS) மருத்துவர் ஒருவர் முக்கிய தகவலை கூறியுள்ளார்.
உணவுடன் சேர்ந்து மன அழுத்தமும் மரபணுக்களை பாதிக்கும் என்பதை அவர் சுட்டிக்காட்டியுள்ளார். மேலும், அமெரிக்காவில் உள்ள நோய் கட்டுப்பாடு மற்றும் தடுப்பு மையம் சுற்றுச்சூழல் மற்றும் நடத்தையின் காரணமாகவும் மரபணுக்களில் மாற்றங்கள் ஏற்படலாம் என்பதை தெரிவித்துள்ளது. எனவே, ஒரு கர்ப்பிணி பெண் ஆரோக்கியமான உணவை சாப்பிடும்போது, அந்த சிசுவின் மரபணுக்களில் மாற்றத்தை ஏற்படுத்தலாம். இந்த மாற்றங்கள் அந்த பிள்ளையை பல்வேறு நோய்களுக்கு ஆளாக்க வாய்ப்புள்ளது. மேலும், கர்ப்பிணிப் பெண் ஒரு பெண் சிசுவை சுமக்கிறாள் என்றால் அவள் தன்னுடைய எதிர்கால பேர பிள்ளையின் ஒரு பகுதியை சுமப்பதாகவே அர்த்தம். ஏனென்றால், அந்த சிசுவானது கர்ப்பப்பையிலேயே கருமுட்டைகளை உருவாக்க துவங்குகிறது என்ற ஒரு ஆச்சரியமூட்டும் தகவலையும் மருத்துவர் தெரிவித்துள்ளார்.
Read More : நெருங்கி வரும் பண்டிகை காலம்..!! ரேஷன் கடைகளுக்கு அதிரடி உத்தரவு பிறப்பித்த தமிழ்நாடு அரசு..!!
