தமிழ்நாடு அரசுப் பணியாளர் தேர்வாணையம் அமைச்சு பணிகள், வாரியங்கள், வனப் பணி மற்றும் பொதுத் துறை நிறுவனங்களில் காலியாகவுள்ள நான்காம் நிலை பணியிடங்களை நிரப்புவதற்கான குரூப் 4 தேர்வை அறிவித்துள்ளது. மொத்தம் 6,244 பணியிடங்கள் நிரப்பப்பட உள்ளன. இந்த குரூப் 4 தேர்வு மூலம் கிராம நிர்வாக அலுவலர்(VAO), இளநிலை உதவியாளர், தட்டச்சர், வனக் காவலர் உள்ளிட்ட பணியிடங்கள் நிரப்பப்பட உள்ளன. அதிக பணியிடங்கள், நிரப்புவதற்கு, இது ஒரே தேர்வு என்பதால், இதற்கு எப்போதுமே தேர்வர்கள் மத்தியில் எதிர்பார்ப்பும் வரவேற்பும் அதிகம்.
டிஎன்பிஎஸ்சி குரூப் 4 தேர்வு, ஜூன் மாதம் 9ஆம் தேதி நடைபெற உள்ளது. இந்த குரூப் 4 தேர்வுக்கு பிப்ரவரி 28ஆம் தேதி வரை, தேர்வர்கள் விண்ணப்பித்திருந்தனர். இந்த டிஎன்பிஎஸ்சி குரூப் 4 தேர்வு மூலம் பல்வேறு பிரிவுகளில் காலியாக உள்ள 6 ஆயிரத்து 244 பணியிடங்கள் நிரப்பப்பட உள்ளன. இந்தநிலையில், நேற்று (மே 27) குரூப் 4 தேர்வுக்கான ஹால் டிக்கெட் வெளியிடப்பட்டுள்ளது. இந்த ஹால் டிக்கெட்டை எப்படி டவுன்லோட் செய்வது என்பதை இப்போது பார்ப்போம்.
டிஎன்பிஎஸ்சி குரூப் 4 தேர்வு ஹால் டிக்கெட் டவுன்லோட் செய்வது எப்படி?
- 1. முதலில் தேர்வாணையத்தின் அதிகாரப்பூர்வ இணையதளப் பக்கமான www.tnpsc.gov.in என்ற பக்கத்திற்குச் செல்ல வேண்டும். அதில் ஏற்கனவே பதிவு செய்தோர் என்ற பொத்தானை அழுத்தவும்.
- 2. பின்னர் உங்கள் நிரந்தரப் பதிவு மற்றும் கடவுச்சொல் கொண்டு உள்நுழையவும்.
- 3. இப்போது திரையில் உங்கள் சுயவிவர பக்கத்தில், ஹால்டிக்கெட் என்ற இணைப்பைக் கிளிக் செய்ய வேண்டும்.
- 4. இப்போது திரையில் தோன்றும் டிஎன்பிஎஸ்சி ஒருங்கிணைந்த சிவில் சர்வீசஸ் தேர்வு (CCSE-IV) 2024 என்பதற்கு நேராக டவுன்லோட் ஹால் டிக்கெட் என்று இருக்கும். அதை கிளிக் செய்ய வேண்டும்.
- 5. இப்போது திரையில் தோன்றும் புதிய பக்கத்தில் உங்கள் விண்ணப்ப எண் மற்றும் பிறந்த தேதிக் கொண்டு உள்நுழைய வேண்டும்.
- 6. இப்போது திரையில் குரூப் 4 தேர்வு ஹால்டிக்கெட் தோன்றும். அதனை பதிவிறக்கம் செய்து பிரிண்ட் எடுத்து வைத்துக் கொள்ள வேண்டும்.
மேலும் டிஎன்பிஎஸ்சி குரூப் 4 குறித்து அறிவிக்கையைக் காண: https://www.tnpsc.gov.in/Document/PressEnglish/73-2024%20Press%20Release.pdf என்ற இணைப்பை க்ளிக் செய்யவும்.
