டாடா நிறுவனத்தின் முன்னாள் தலைவர் ரத்தன் டாடா அக்டோபர் 9, புதன்கிழமை காலமானார். அவர் நாட்டின் புகழ்பெற்ற தொழிலதிபராக இருந்தார். 1991 முதல் 2021 வரை டாடா குழுமத்தின் தலைவராக இருந்தார். இந்தக் காலகட்டத்தில், அவர் தனது குழுவை புதிய உச்சத்திற்கு கொண்டு சென்றார். மேலும் பல்வேறு நாடுகளுக்கு டாடாவின் பெயரை எடுத்துச் சென்றார். ரத்தன் டாடா பார்சி சமூகத்தைச் சேர்ந்தவர். அவரின் இறுதி சடங்கு அரசு மரியாதையுடன், வொர்லியில் உள்ள ஒரு சுடுகாட்டில் நடைபெற்றது. பார்சி சமூகத்தில் பிரந்த ரத்தன் டாடாவிற்கு டாடா என்ற குடும்ப பெயர் எப்படி வந்தது என்பதை இந்த பதிவில் பார்க்கலாம்.
ரத்தன் டாடா குடும்ப வாழ்க்கை : ரத்தன் டாவின் தந்தை நேவல் 30 ஆகஸ்ட் 1904 அன்று மும்பையில் பிறந்தார், பிறப்பால் அவருக்கு டாடா குடும்பத்துடன் எந்த தொடர்பும் இல்லை. அவரது தந்தை அகமதாபாத்தில் உள்ள அட்வான்ஸ் மில்ஸில் ஸ்பின்னிங் மாஸ்டராக பணிபுரிந்தார். அவரது தந்தை இறந்த பிறகு, அவரது தாயார் குஜராத்தில் உள்ள நவ்சாரிக்கு அழைத்துச் சென்றார், அங்கு எம்பிராய்டரி வேலை செய்யத் தொடங்கினார்.
பின்னர் சர் ரத்தன்ஜி டாடா மற்றும் அவரின் மனைவி நவாஸ்பாய் டாடா அவர்களை சந்தித்தனர். நேயலை தத்தெடுக்க முடிவு செய்தார், அந்த வகையில் டாடா குடும்பத்தில் சேர்ந்தார். அப்போது அவருக்கு 13 வயது. இதற்குப் பிறகு பம்பாய் பல்கலைக்கழகத்தில் பொருளாதாரத்தில் பட்டம் பெற்றார். இதன் பிறகு லண்டன் சென்று கணக்கியல் தொடர்பான படிப்புகளை செய்ய ஆரம்பித்தார்.
பின்னர் அவருக்கு இரண்டு முறை திருமணம் நடந்தது. அவரது முதல் திருமணம் சுனி கமிசாரியட்டுடன் இருந்தது, அவருக்கு ரத்தன் டாடா மற்றும் ஜிம்மி டாடா என்ற இரண்டு மகன்கள் இருந்தனர் . இருப்பினும், இந்த திருமணம் விவாகரத்தில் முடிந்தது. பின்னர் அவர் சுவிட்சர்லாந்தின் சிமோன் டுனோயரை மணந்தார், அவருக்கு நோயல் டாடா என்ற மற்றொரு மகன் பிறந்தார்.
நேவல் 1930 இல் டாடா சன்ஸ் நிறுவனத்தில் சேர்ந்தார், அங்கு அவர் எழுத்தர் மற்றும் உதவிச் செயலாளராகத் தொடங்கினார். அவரது கடின உழைப்பு மற்றும் திறமை காரணமாக, அவர் விரைவில் பதவி உயர்வு பெற்றார். 1933 இல், அவர் விமானப் போக்குவரத்துத் துறையின் செயலாளராக நியமிக்கப்பட்டார், அதன் பிறகு அவர் டாடா மில்ஸ் மற்றும் பிற பிரிவுகளில் பணியாற்றினார். 1941 இல், அவர் டாடா சன்ஸ் இயக்குநரானார், மேலும் 1961 இல் அவர் டாடா பவர் தலைவராக உயர்ந்தார். 1962ல் டாடா சன்ஸ் நிறுவனத்தின் துணைத் தலைவர் பதவியும் கிடைத்தது.
நேவல் டாடா சமூக சேவையிலும் குறிப்பிடத்தக்க பங்களிப்பை வழங்கினார். அவர் சர் ரத்தன் டாடா அறக்கட்டளையின் தலைவராக ஆனார். இந்திய புற்றுநோய் சங்கத்தின் தலைவராகவும் முக்கியப் பணிகளைச் செய்துள்ளார். அவர் இந்திய ஹாக்கி கூட்டமைப்பின் தலைவராக இருந்தார் மற்றும் சர்வதேச ஹாக்கி கூட்டமைப்பின் துணைத் தலைவராகவும் ஆனார்.
இருப்பினும், நேவல் டாடா மற்றும் ஜேஆர்டி டாடா இடையே அரசியல் தொடர்பாக கருத்து வேறுபாடுகள் இருந்தன. ஜே.ஆர்.டி அரசியலில் இருந்து விலகி இருக்க விரும்பிய அதே வேளையில், நேவல் 1971 இல் தெற்கு பாம்பேயிலிருந்து சுயேட்சை வேட்பாளராக தேர்தலில் போட்டியிட்டார், இருப்பினும் அவரால் தேர்தலில் வெற்றி பெற முடியவில்லை.
நேவல் டாடாவின் பங்களிப்புக்காக 1969 இல் பத்ம பூஷன் விருது வழங்கப்பட்டது. அவர் 5 மே 1989 அன்று மும்பையில் இறந்தார். அவர் புற்றுநோயால் இறந்தார், ஆனால் அவர் செய்த பணி மற்றும் அவரது போராட்டத்தின் கதைகள் இன்னும் மக்களை ஊக்குவிக்கின்றன.
Read more ; 4 நாட்கள் தீபாவளி விடுமுறை? முதலமைச்சருக்கு பறந்த கடிதம்.. கருணை காட்டுமா தமிழக அரசு?
