Child Marriage: 11.5 லட்சத்துக்கும் அதிகமான குழந்தைகள் குழந்தை திருமண அபாயத்தில் இருப்பதாக தேசிய குழந்தைகள் உரிமைகள் பாதுகாப்பு ஆணையம் (என்சிபிசிஆர்) நடத்திய ஆய்வில் அதிர்ச்சி தகவல் வெளியாகியுள்ளது.
குழந்தை திருமணத்திற்கு எதிரான பிரச்சாரத்தின் ஒரு பகுதியாக 27 மாநிலங்கள் மற்றும் 7 யூனியன் பிரதேசங்களில் உள்ள சுமார் 3 லட்சம் கிராமங்கள் மற்றும் தொகுதிகளில் உள்ள 6 லட்சத்திற்கும் அதிகமான பள்ளிகளில் தேசிய குழந்தைகள் உரிமைகள் பாதுகாப்பு ஆணையம் (என்சிபிசிஆர்) ஆய்வு செய்தது. அதாவது, பெரும்பாலானோர், பள்ளிப் படிப்பை பாதியில் நிறுத்திய குழந்தைகள், பள்ளிக்குச் செல்லாத குழந்தைகள், நீண்ட நாட்களாக எந்த தகவலும் இன்றி பள்ளிக்கு வராத குழந்தைகளும் அடங்குவர் என்று பல கோணங்களில் ஆய்வு செய்யப்பட்டது.
அறிக்கையின்படி, உத்தரப் பிரதேசத்தில் 5 லட்சத்துக்கும் அதிகமான குழந்தைகள் குழந்தைத் திருமணத்தால் பாதிக்கப்படுகின்றனர், அசாமில் 1.5 லட்சம் குழந்தைகளும், மத்தியப் பிரதேசத்தில் சுமார் 1 லட்சம் குழந்தைகளும் இந்தப் பிரிவில் சேர்க்கப்பட்டுள்ளனர். லட்சத்தீவு மற்றும் அந்தமான் மற்றும் நிக்கோபார் தீவுகளில் குழந்தை திருமணத்திற்கு ஆபத்து இல்லை என்று தெரிவிக்கப்பட்டுள்ளது. பல மாவட்டங்கள் இன்னும் இந்த கணக்கெடுப்பை நடத்தவில்லை என்றும் அந்த அறிக்கையில் கூறப்பட்டுள்ளது. அதேசமயம் கோவா மற்றும் லடாக் எந்த தரவையும் பகிர்ந்து கொள்ளவில்லை என்றும் குறிப்பிடப்பட்டுள்ளது.
இதுகுறித்து NCPCR தலைவர் பிரியங்க் கனுங்கோ கூறுகையில்,”குழந்தைகளைத் தொடர்ந்து பள்ளிக்கு அனுப்புவது குழந்தைத் திருமணத்தைத் தடுக்க முக்கியமான நடவடிக்கையாகும்” என்றார். இதுபோன்ற சூழ்நிலையில், பள்ளிப் படிப்பை பாதியில் நிறுத்திய, பள்ளிக்குச் செல்லாத, பள்ளிக்கு தவறாமல் சென்ற குழந்தைகளை அனைத்து மாநிலங்களும் அடையாளம் காண வேண்டும். தேவைப்பட்டால், இந்த குழந்தைகளின் பெற்றோருக்கு ஆலோசனை வழங்கப்பட வேண்டும் என்று கூறினார்.
குழந்தைகளின் கல்வியை முறைப்படுத்துவதும், குழந்தைத் திருமணத்தைத் தடுக்க அவர்களின் குடும்பத்தினருக்கு விழிப்புணர்வு ஏற்படுத்துவதும்தான் இந்தப் பிரச்சாரத்தின் நோக்கம். அறிக்கை வெளிவந்த பிறகு, குழந்தைத் திருமணம் ஆபத்தில் உள்ள குழந்தைகளின் பட்டியலை விரைவில் தயாரித்து, குழந்தைத் திருமணத்திற்கு எதிராக உறுதியான நடவடிக்கைகளை எடுக்குமாறு மாநிலங்களை NCPCR கேட்டுக் கொண்டுள்ளது.
Readmore: பரபரப்பு..! விசா ஊழல் வழக்கில் எம்.பி கார்த்தி சிதம்பரம் மீது சிபிஐ குற்றப்பத்திரிகை…!
