RSV வைரஸ் தொற்றால் பாதிக்கப்பட்ட மனிதர்கள், அந்த தொற்று ஏற்பட்ட 1 வருடத்திற்குள் உயிரிழக்கும் அபாயம் மூன்று மடங்கு அதிகம் என நிபுணர்கள் கூறுகின்றனர். மேலும், இந்த வைரஸ் COPD (நுரையீரல் செயலிழப்பு) மற்றும் ஆஸ்துமா போன்ற நிலைமைகளை மேலும் மோசமாக்கும் என்பதும் இதில் கண்டுபிடிக்கப்பட்டுள்ளது.
RSV (ரெஸ்பிரட்டரி ஸின்சிஷியல் வைரஸ்) எனப்படும் ஒரு மூச்சுக்குழாய் தொற்று, பெரியவர்களில் மிகவும் அபாயகரமான விளைவுகளை ஏற்படுத்துகிறது. அண்மையில் வெளியான ஒரு ஆய்வின்படி, RSV தொற்றால் ஏற்படும் தீவிர மூச்சுத்திணறல் (RSV-ARI) ஏற்படும் பெரியவர்கள், அந்த நோய் வந்த ஒரு ஆண்டுக்குள் உயிரிழக்கும் வாய்ப்பு மூன்று மடங்கு அதிகமாக இருக்கலாம்.
இந்த ஆய்வு ஆஸ்திரியாவில் நடந்த ESCMID Global 2025 மாநாட்டில் வெளியிடப்பட்டது. இந்த ஆய்வில், டென்மார்க்கில் வசிக்கும் 5,289 வயது பெரியவர்கள் குறித்து ஆய்வு செய்யப்பட்டது. அவர்கள் அனைவரும் 2011 முதல் 2022 வரை காலப்பகுதியில் RSV வைரஸ் காரணமாக ஏற்பட்ட மூச்சுத் தொற்றால் பாதிக்கப்பட்டவர்கள். 15,867 பேர் என்த நோயும் இல்லாதவர்கள். இரண்டு குழுவினரையும், தொற்று ஏற்பட்ட பிறகு ஒரு வருடம் முழுவதும் மருத்துவ ஆராய்ச்சியாளர்கள் கவனித்தனர். இதன் மூலம், RSV வைரஸ் எவ்வளவு ஆபத்தானது என்பதைக் கண்டறிய முயற்சி செய்தனர்.
விஞ்ஞானி மாரியா ஜோவோ ஃபொன்செகா கூறும்போது, “இந்த ஆய்வில் கிடைத்த மிகக் கவலைக்கேடான முடிவு RSV தொற்றின் விளைவுகள் நீண்ட நாட்கள் வரை தொடருகிறது என்பதுதான்,” என்று தெரிவித்துள்ளார். தீவிர நோய் நிலையை கடந்த பிறகும், அந்த நோயாளிகள் மற்றவர்களைவிட ஆரோக்கியத்தில் பின்னடைவாகவே இருந்தார்கள். இது, RSV தொற்று உடனடியாக மட்டுமல்ல, நீண்டகாலத்திலும் பாதிப்பை ஏற்படுத்தும் என்பதை நமக்கு காட்டுகிறது.
RSV வைரஸ் பெரும்பாலும் குழந்தைகளில் மூச்சுக்குழாய் பிரச்சனைகள் ஏற்படுத்தும் வைரஸாகவே அறியப்படுகிறது. ஆனால், இந்த புதிய ஆய்வு, இது பெரியவர்களுக்கும் பெரிய ஆபத்துகளை ஏற்படுத்தும் என்பதை உறுதிப்படுத்துகிறது. குறிப்பாக, ஏற்கனவே மூச்சு தொடர்பான நோய்கள் உள்ளவர்கள் மிக அதிக ஆபத்தில் இருக்கிறார்கள்.
RSV தொற்று சிலருக்கு நிமோனியா (நுரையீரல் வீக்கம்) போன்ற கடுமையான பாதிப்புகளை ஏற்படுத்தும். மேலும், குரூணிக் ஓப்ஸ்ட்ரக்டிவ் பல்மனரி டிசீஸ் (COPD) மற்றும் ஆஸ்துமா போன்ற நீண்டகால மூச்சுத் தொற்றுகளை மேலும் மோசமாக்கும் ஆபத்தும் உள்ளது.
RSV தொற்றுக்கு ஆளானவர்கள், ஏற்கனவே மூச்சு தொடர்பான நோய்கள் (COPD, ஆஸ்துமா போன்றவை) இருந்தால், அவர்களிடம் மருத்துவமனையில் சேரும் எண்ணிக்கை அதிகரிக்கிறது, அவசர சிகிச்சைப் பிரிவுகளிலும் (ICU) அடிக்கடி அனுமதிக்கப்படுகிறார்கள். மேலும், அவர்களின் உடல் நிலை மேலும் மோசமாகும் அபாயமும் அதிகமாக இருப்பதாக இந்த ஆய்வு காட்டுகிறது.
ஆஸ்துமா உள்ளவர்களுக்கு RSV தொற்று பாதிப்பு அதிகம்: COPD (நுரையீரல் செயலிழப்பு நோய்) மற்றும் ஆஸ்துமா போன்ற மூச்சுக்குழாய் நோய்கள் உள்ளவர்கள், RSV வைரஸால் ஏற்படும் தீவிர மூச்சுத் தொற்றுக்கு (RSV-ARI) மிகவும் பாதிக்கப்படக்கூடியவர்கள் என்று ஆய்வு கூறுகிறது.
COPD நோயின் முக்கிய அறிகுறிகள்:
- நிலையான இருமல்
- உடற்பயிற்சி செய்தபோது மூச்சுத்திணறல்
- சீற்று சத்தத்துடன் சுவாசிப்பது (வீசிங்)
- மார்பில் இறுக்கம்
- அடிக்கடி மூச்சுத் தொற்றுகள் ஏற்படும்
- அதிக தூக்கம், சக்தி குறைவு
ஆஸ்துமா நோயின் அறிகுறிகள்:
- சுவாசிக்கும் போது வரும் சத்தம்
- இரவு நேரங்களில் அல்லது காலை நேரங்களில் இருமல்
- மார்பு இறுக்கம்
- மூச்சுத்திணறல்
- தூசி, குளிர் காற்று அல்லது உடற்பயிற்சி காரணமாக சிரமம் ஏற்படுவது
இந்த அறிகுறிகளில் ஏதேனும் இருந்தால், குறிப்பாக முன்பாக RSV தொற்றால் பாதிக்கப்பட்டவர்கள் என்றால், உடனடியாக மருத்துவரை அணுக வேண்டும்.
