இந்தியாவில் தினமும் மில்லியன் கணக்கான பயணிகள் ரயிலில் பயணம் செய்கிறார்கள். இதனால் இப்போதெல்லாம் உறுதிப்படுத்தப்பட்ட டிக்கெட்டைப் பெறுவது மிகவும் கடினமாக உள்ளது. ஆனால் அவசர காலங்களில், ரயில்வேயின் தட்கல் திட்டம் பயனுள்ளதாக இருக்கும். தட்கல் திட்டம் பயணிகள் தங்கள் பயணத்திற்கு ஒரு நாள் முன்பு ரயில் டிக்கெட்டுகளை முன்பதிவு செய்ய அனுமதிக்கிறது. இது உடனடி அல்லது அவசர பயணத் தேவைகளுக்கு ஏற்றது.
இருப்பினும், அதிக தேவை மற்றும் குறைந்த எண்ணிக்கையிலான டிக்கெட்டுகள் காரணமாக, உறுதிப்படுத்தப்பட்ட தட்கல் டிக்கெட்டைப் பெறுவது ஒரு பெரிய சவாலாக உள்ளது. பெரும்பாலான மக்களால் உறுதிப்படுத்தப்பட்ட தட்கல் டிக்கெட்டுகளை விரைவாகப் பெற முடியவில்லை. சாதாரண மக்களுக்கு தட்கல் டிக்கெட்டுகள் எளிதில் கிடைக்காத நிலையில், முகவர்கள் தட்கல் டிக்கெட்டுகளை எவ்வாறு எளிதாக மொத்தமாகப் பெறுகிறார்கள் என்று மக்கள் தொடர்ந்து குற்றம் சாட்டி வருகின்றனர்.
தட்கல் முறையில் பல்வேறு முறைகேடுகள் நடப்பதாக ரயில்வே மீது தொடர்ந்து குற்றச்சாட்டுகள் எழுந்துள்ளன. பலர் ஒன்றுக்கும் மேற்பட்ட போலி கணக்குகளைப் பயன்படுத்தி தட்கல் டிக்கெட்டுகளை எடுத்துள்ளனர். இந்த சூழ்நிலையில், தட்கல் டிக்கெட்டுகளை முன்பதிவு செய்யும் போது ஆதார் அடிப்படையிலான சரிபார்ப்பு செய்யப்படும் என்று ரயில்வே அதிரடியாக அறிவித்துள்ளது. இதன் மூலம் முறைகேடுகள் மற்றும் தட்கல் டிக்கெட்டுகள் பெறுவது தடுக்கப்படும் என்று ரயில்வே தெரிவித்துள்ளது.
அதாவது, தட்கல் டிக்கெட்டை முன்பதிவு செய்யும்போது, உங்கள் ஆதார் எண்ணை கொடுக்க வேண்டும், ஆதாருடன் இணைக்கப்பட்ட மொபைல் போனுக்கு ஒரு OTP எண் வரும். அந்த எண்ணைக் குறிப்பிட்டால் மட்டுமே தட்கல் டிக்கெட்டுகளை முன்பதிவு செய்ய முடியும் என்று கூறப்பட்டுள்ளது. கவுண்டர்களில் தட்கல் டிக்கெட்டுகளைப் பெறுவதற்கு ஆதார் சரிபார்ப்பு கட்டாயமாக்கப்படும். இந்த ஆதார் சரிபார்ப்பு மோசடி செய்பவர்களையும் முறைகேடுகளையும் தடுக்கும் என்று ரயில்வே நம்புகிறது.
மேலும் தங்களுடைய ஐஆர்சிடிசி கணக்குடன் ஆதார் எண்ணை இணைத்து வைத்திருக்கக்கூடிய பயணர்களுக்கு தட்கல் டிக்கெட்டுகள் முன்பதிவு தொடங்கும் போது முதல் 10 நிமிடங்கள் அவர்களுக்கான டிக்கெட் முன்பதிவுக்கான நேரமாக வழங்கப்படும். இந்த சமயத்தில் எந்த ஒரு ஏஜெண்டுகளாலும் தட்கல் டிக்கெடுகளை முன் பதிவு செய்ய முடியாது. எனவே ஐஆர்சிடிசி கணக்குடன் ஆதார் இணைத்து பயன்படுத்தும் பயனாளர்கள் இனி எளிதாக தக்கல் டிக்கெட்டுகளை புக் செய்து கொள்ள முடியும்.
Read more: வாஸ்துபடி வீட்டில் பணத்தை எங்கு வைக்க வேண்டும்..? எங்கு வைக்க கூடாது..?
