ரஜினி பட நடிகையின் உறவினர் கொலை.. பார்க்கிங் தகராறில் ஏற்பட்ட சோகம்.. அதிர்ச்சியூட்டும் சிசிடிவி காட்சிகள்..

டெல்லி நிஜாமுதீனில் பார்க்கிங் தகராறில் நடிகை ஹுமா குரேஷியின் உறவினர் கொலை செய்யப்பட்டார்.

பாலிவுட்டில் முன்னணி நடிகையாக வலம் வருபவர் ஹுமா குரேஷி.. இவர் தமிழில் காலா, வலிமை உள்ளிட்ட படங்களிலும் நடித்துள்ளார்.. இந்த நிலையில் நடிகை ஹுமா குரேஷியின் உறவினர் நேற்றிரவு டெல்லியில் கொலை செய்யப்பட்டார். தேசிய தலைநகரின் நிஜாமுதீன் பகுதியில், வாகன நிறுத்துமிடத்தில் ஏற்பட்ட தகராறில் இந்த சம்பவம் நடந்தது. இந்த சம்பவம் தொடர்பான சிசிடிவி காட்சிகள் வெளியாகி உள்ளது.

இறந்தவர் ஆசிப் குரேஷி என அடையாளம் காணப்பட்டார். 42 வயதான ஆசிப், ஜங்புரா போகல் பஜார் பாதையில் இரவு 11 மணியளவில் தனது இருசக்கர வாகனத்தை நிறுத்திக் கொண்டிருந்த போது, இந்த தகராறு ஏற்பட்டது என்று கூறப்படுகிறது.. ஆசிப்புக்கும் மற்றொரு தரப்பினருக்கும் இடையே ஏற்பட்ட வாக்குவாதம் வன்முறையாக மாறியது, அதன் பிறகு ஆசிப் கூர்மையான ஆயுதத்தால் தாக்கப்பட்டார். இதில் படுகாயமடைந்த அவர், உடனடியாக மருத்துவமனைக்கு கொண்டு செல்லப்பட்டார்.. ஆனால் மருத்துவர்கள் அவர் இறந்துவிட்டதாக அறிவித்தனர்.

இதனிடையே இறந்தவரின் குடும்பத்தினர், தங்களுக்கும் மற்ற தரப்பினருக்கும் இடையே கடந்த காலங்களிலும் வாகன நிறுத்துமிடத்தில் தகராறுகள் நடந்துள்ளதாக குற்றம் சாட்டினர். இருப்பினும், இந்த முறை தகராறு அசிங்கமாக மாறியது என்று அவர்கள் கூறினர்.

ஆசிஃபின் மனைவி இதுகுறித்து பேசிய போது “என் கணவர் வேலையிலிருந்து வீடு திரும்பியபோது, பக்கத்து வீட்டுக்காரரின் ஸ்கூட்டர் எங்கள் வீட்டின் முன் நிறுத்தப்பட்டிருந்தது, அதை அவர் அகற்றச் சொன்னார். இருவருக்கும் இடையே வாக்குவாதம் ஏற்பட்டதால், பக்கத்து வீட்டுக்காரர் அவரைத் திட்டத் தொடங்கி கூர்மையான கூரான பொருளால் அவரைக் கொன்றார்,” என்று கூறினார்.

இந்த வழக்கு தொடர்பாக டெல்லி போலீசார் 2 பேரைக் கைது செய்துள்ளனர்.. இருவரும் இன்று நீதிமன்றத்தில் ஆஜர்படுத்தப்பட உள்ளனர்.. குற்றத்தில் பயன்படுத்தப்பட்ட ஆயுதமும் மீட்கப்பட்டது.

இறந்தவரின் குடும்பத்தின் மற்ற அண்டை வீட்டாரையும், சில நேரில் கண்ட சாட்சிகளையும் போலீசார் விசாரித்து வருகின்றனர். இந்த கொலை தொடர்பாக தொடர்ந்து விசாரணை நடந்து வருகிறது…

ஜூலை 14 ஆம் தேதி, டெல்லியின் ஆர்.கே. புரம் பகுதியில் பார்க்கிங் பிரச்சினை தொடர்பாக ஒரு பைக் மெக்கானிக் ஒருவரால் தீ வைக்கப்பட்டதாகக் கூறப்படுகிறது. குற்றம் சாட்டப்பட்டவர் சம்பவம் நடந்த நேரத்தில் தனது காரில் அமர்ந்திருந்த நபர் மீது பெட்ரோல் ஊற்றினார். இதில் படுகாயமடைந்த அந்த நபர் தற்போது மருத்துவமனையில் சிகிச்சை பெற்று வருகிறார்..

Read More : ஆளுநர் மருத்துவமனையில் அனுமதி.. கீழே விழுந்து தலையில் பலத்த காயம்..!!