தமிழ் சினிமாவில் ஒரு சில நடிகர்கள் சில படங்களில் மட்டுமே நடித்திருந்தாலும், மக்கள் மனதில் தங்களுக்க்கான ஒரு இடத்தை பிடித்து வைத்திருக்கின்றனர். அந்த வகையில், நடிகர் கிருஷ்ணாவும் கற்றது களவு, கழுகு போன்ற படங்களில் மூலம் தனித்துவமான நடிப்பை வெளிப்படுத்தியிருந்தார். அதிலும், கிருஷ்ணாவின் கழுகு திரைப்படம் பலருடைய பாராட்டையும், விருதுகளை குவித்தது.
இந்நிலையில் தான், கிருஷ்ணா இன்று தன்னுடைய இன்ஸ்டாகிராமில் போஸ்ட் ஒன்றை போட்டுள்ளார். அதுதான் தற்போது வைரலாகி வருகிறது. இவர், கடந்த 2008இல் அலிபாபா என்ற படத்தின் மூலம் தமிழ் சினிமாவில் ஹீரோவாக அறிமுகமானார். இப்படத்திற்கு பிறகு தான் கற்றது களவு, கழுகு வல்லினம், யாமிருக்க பயமேன், ராயர் பரம்பரை உள்ளிட்ட படங்களில் நடித்தார். நடிகர் கிருஷ்ணா, சினிமா மட்டுமின்றி வெப் சீரிசிலும் நடித்து வருகிறார்.
இந்நிலையில், தான் இன்று அவர் மனைவியுடன் எடுத்த புகைப்படங்களை பகிர்ந்துள்ளார். அதில், நியூ பிகினிங் “A new begining” என்று பதிவிட்டுள்ளார். நடிகர் கிருஷ்ணாவின் திருமணம் மிக எளிமையான முறையில் நடந்துள்ளது. ஆனால் பெண்ணின் முகத்தை அவர் காட்டவில்லை. கிருஷ்ணாவுக்கு ஏற்கனவே சில ஆண்டுகளுக்கு முன் திருமணமான நிலையில், இது விவாகரத்தில் முடிந்து விட்டது. இப்போது அவர் 2-வது திருமணம் செய்துள்ளார். அவருக்கு திரையுலகினர், ரசிகர்கள் வாழ்த்து தெரிவித்து வருகின்றனர்.
