ஆர்க்டிக் வட்டத்திற்கு அருகில் அமைந்துள்ள ஐஸ்லாந்து கோடை மாதங்களில் நள்ளிரவு சூரியன் எனப்படும் நிகழ்வை அனுபவிக்கிறது. மே மாதத்தின் பிற்பகுதியிலிருந்து ஜூலை நடுப்பகுதி வரை, ஐஸ்லாந்தின் சில பகுதிகளுக்கு ஒரு நாளைக்கு கிட்டத்தட்ட 24 மணிநேரம் சூரிய ஒளி தென்படுகின்றது. வடக்கு ஐரோப்பாவிலுள்ள ஒரு தீவு நாடு தான் ஐஸ்லாந்து. இந்த தீவு நாடு பல்வேறு ஆச்சரியங்களின் பொக்கிஷத்தை வைத்திருக்கிறது.
பொதுவாக பனி பிரதேச நாடுகளில் கொசுக்கள் இருக்கவே இருக்காது. அந்தவகையில் ஐஸ்லாந்து கொசு இல்லாத சூழல் கொண்ட நாடாக விளங்கி வந்தது. அதன் குளிர்ந்த காலநிலை மற்றும் காற்றோட்டமான சூழ்நிலைகளில் கொசுக்கள் வளருவது கடினமான விஷயமாக இருந்தன. ஐஸ்லாந்தில் சதுப்பு நிலங்கள் மற்றும் குளங்கள் போன்ற ஏராளமான இனப்பெருக்க வாழ்விடங்கள் இருப்பதால் கொசுக்கள் தங்களை நிலைநிறுத்திக் கொள்ளக்கூடும் என்று விஞ்ஞானிகள் சிறிது காலமாகவே கணித்து வருகின்றனர். ஆனால் ஐஸ்லாந்து வெப்பமடைந்து வருகிறது, இது வடக்கு அரைக்கோளத்தின் மற்ற பகுதிகளை விட நான்கு மடங்கு அதிகமாகும் . பனிப்பாறைகள் சரிந்து வருகின்றன, மேலும் கானாங்கெளுத்தி போன்ற வெப்பமான, தெற்கு தட்பவெப்பநிலைகளிலிருந்து வரும் மீன்கள் நாட்டின் நீரில் காணப்படுகின்றன.
அந்தவகையில் தற்போது ஒரு அதிர்ச்சி தகவல் வெளியாகியுள்ளது. சமீபத்தில் மேற்கு ஐஸ்லாந்தில் உள்ள ஒரு காட்டில் விஞ்ஞானிகள் கொசுக்கள் இருப்பதை கண்டுபிடித்துள்ளனர். இது கப்பல் அல்லது கண்டெய்னர் வழியாக இங்கு வந்திருக்கலாம் என ஆய்வாளர்கள் கூறுகின்றனர். காலநிலை மாற்றமும் கொசுக்கள் பரவலுக்கு காரணமாக சொல்லப்படுகிறது. கடுமையான குளிரிலும் வாழ கொசுக்கள் பழகியுள்ளதால், பரவல் வேகமாக அதிகரிக்க வாய்ப்புள்ளது.
கிரகம் வெப்பமடைவதால், உலகம் முழுவதும் அதிக கொசு இனங்கள் கண்டறியப்பட்டுள்ளன. இந்த ஆண்டு இங்கிலாந்தில், எகிப்திய கொசுவின் (ஏடிஸ் எஜிப்டி) முட்டைகள் கண்டுபிடிக்கப்பட்டன, மேலும் ஆசிய புலி கொசு (ஏடிஸ் அல்போபிக்டஸ்) கென்ட்டில் கண்டுபிடிக்கப்பட்டுள்ளது. இவை டெங்கு, சிக்குன்குனியா மற்றும் ஜிகா வைரஸ் போன்ற வெப்பமண்டல நோய்களைப் பரப்பக்கூடிய ஆக்கிரமிப்பு இனங்கள்.
Readmore: அரோகரா!. இன்றுமுதல் கந்தசஷ்டி விரதம் ஆரம்பம்!. விரதம் இருப்பது எப்படி?. என்னென்ன பலன்கள்!
