நடிகர் விஜய் தற்போது இயக்குனர் லோகேஷ் கனகராஜ் இயக்கத்தில் உருவாகும் லியோ திரைப்படத்தில் நடித்து வருகிறார். இந்த படத்தின் படபிடிப்பு தற்போது விறுவிறுப்பாக காஷ்மீரில் நடைபெற்று வருகிறது. மேலும், நேற்று முன்தினம் இயக்குனர் லோகேஷ் கனகராஜ் 37-வது பிறந்த நாளை பிரம்மாண்டமாக கொண்டாடினார். ஏற்கனவே இப்படத்தில் ப்ரியா ஆனந்த் நடித்து வரும் நிலையில், தற்போது மேலும் ஒரு நடிகை இணைந்துள்ளதாக தகவல்கள் வெளியாகி உள்ளது.
’மேயாத மான்’ திரைப்படத்தின் மூலம் அறிமுகமாகி தற்போது பல படங்களில் ஹீரோயினாக நடித்து வரும் பிரியா பவானி சங்கர் ’லியா’ படத்தில் சிறு வேடத்தில் நடிக்க கமிட்டாகி உள்ளதாக கூறப்படுகிறது. இதுவரை இது குறித்து எந்த ஒரு அதிகாரப்பூர்வ தகவலும் வெளியாகாத நிலையில், இந்த தகவல் எந்த அளவிற்கு உண்மையானது என்பதை பொறுத்திருந்து பார்ப்போம்.
