ஜிஎஸ்டியில் ஏற்பட்ட மாற்றங்களால், வீட்டு உபயோகப் பொருட்கள் முதல் உணவுப் பொருட்கள் வரை பலவற்றின் விலைகள் குறையப் போகின்றன. இது சாதாரண மக்களின் வாழ்க்கையை எளிதாக்கும். ஆகஸ்ட் மாதம், பிரதமர் மோடி தனது சுதந்திர தின உரையில் ஜிஎஸ்டி வரி குறைப்பை அறிவித்தார். இதற்காக, மத்திய நிதியமைச்சர் நிர்மலா சீதாராமன் தலைமையில் டெல்லியில் ஜிஎஸ்டி கவுன்சில் கூட்டம் நடைபெற்றது.
தற்போதைய ஜிஎஸ்டி வரி அடுக்குகள் 5%, 12%, 18% மற்றும் 28% ஆகும். இவை மத்திய அரசால் திருத்தப்பட்டுள்ளன. இவற்றில் 12% மற்றும் 28% அடுக்குகள் நீக்கப்பட்டுள்ளன. அவற்றின் இடத்தில், 5% மற்றும் 18% மட்டுமே அமலில் இருக்கும். இது உணவுப் பொருட்கள், வீட்டு உபயோக பொருட்களின் விலை குறைய உள்ளது.
ஒவ்வொரு வீட்டிலும் ஏசி, டிவி, வாஷிங் மெஷின், மொபைல் போன்கள் உள்ளன. ஜி எஸ் டி வரி விதிப்பில் கொண்டு வரப்பட்ட மாற்றத்தால் அவற்றின் விலைகள் வெகுவாகக் குறையும். இதேபோல், சிமென்ட், ஐஸ்கிரீம், ஜூஸ், பேக் செய்யப்பட்ட உணவு மற்றும் ஆடைகள் மீதும் 18 சதவீத ஜிஎஸ்டி விதிக்க முடிவு செய்யப்பட்டுள்ளது. மேலும், பைக்குகள், ஆட்டோக்கள் மற்றும் லாரிகள் மீதான ஜிஎஸ்டி 28 சதவீதத்திலிருந்து 18 சதவீதமாகக் குறைக்கப்பட்டுள்ளது.
குறிப்பாக டிவி விலை அதிரடியாக குறைய உள்ளது. ஜிஎஸ்டி வரி குறைப்பால் 42 அங்குல டிவியின் விலை ரூ.2,000 வரை குறைய வாய்ப்புள்ளது. 75 அங்குல டிவியின் விலை ரூ.23,000 வரை குறைய வாய்ப்புள்ளதாக நிதி நிபுணர்கள் மதிப்பிட்டுள்ளனர். அதேபோல், கட்டுமானப் பொருட்களின் விலையும் கணிசமாகக் குறைய வாய்ப்புள்ளது.
சிமென்ட் மீதான ஜிஎஸ்டி 28 சதவீதத்திலிருந்து 18 சதவீதமாகவும், செங்கற்கள் மீதான ஜிஎஸ்டி 12 சதவீதத்திலிருந்து 5 சதவீதமாகவும், களிமண்-சுண்ணாம்பு கற்கள் மீதான ஜிஎஸ்டி 12 சதவீதத்திலிருந்து 5 சதவீதமாகவும், கிரானைட் மற்றும் பளிங்கு போன்ற கற்கள் மீதான ஜிஎஸ்டி 12 சதவீதத்திலிருந்து 5 சதவீதமாகவும் குறைக்கப்படுகிறது. இது வீடு கட்டுவதையும் வாங்குவதையும் எளிதாக்கும். புதிய விகிதங்கள் செப்டம்பர் 22 முதல் அமலுக்கு வரும். இந்தப் பொருட்களில் ஏதேனும் ஒன்றை நீங்கள் வாங்க விரும்பினால், செப்டம்பர் 22 க்குப் பிறகு அவற்றை வாங்குவது நல்லது.
Read more: தொடர்ந்து மிரட்டி வந்த தங்கம் விலை.. இன்றைய நிலவரம் இது தான்..! நகைப்பிரியர்கள் நிம்மதி..
