கடந்த சில மாதங்களாகவே தங்கம் விலை தொடர்ச்சியாக உயர்ந்து வருகிறது. சர்வதேச பொருளாதார மந்த நிலை, அமெரிக்க டாலர் மதிப்பு சரிவு, வட்டி விகிதக் குறைவு, பணவீக்கம் அதிகரிப்பு ஆகியவை காரணமாக உலகளாவிய முதலீட்டாளர்கள் பாதுகாப்பான முதலீடாக தங்கத்தை கருதுகின்றனர்.. மேலும் இந்தியாவில் திருமணம் மற்றும் பண்டிகை சீசன் காரணமாகவும் தங்கத்தின் தேவை உயர்ந்துள்ளது.
அதன்படி கடந்த சில நாட்களாகவே தங்கம் விலை வரலாறு காணாத அளவுக்கு உயர்ந்து வருகிறது.. தங்கம் விலை அதிரடியாக உயர்வதும், பின்னர் சற்று குறைவதும் என்ற நிலையே நீடித்து வருகிறது.. அந்த வகையில் கடந்த மாதம் 15-ம் தேதி தங்கம் விலை சவரனுக்கு ரூ.1 லட்சத்தை தாண்டி விற்பனையானது. அதன்பின்னர் ரூ.1 லட்சத்திற்கும் கீழ் குறைந்த தங்கம் விலை தற்போது மீண்டும் ரூ.1 லட்சத்தை தாண்டி விற்பனை செய்யப்படுகிறது..
இந்த நிலையில் இன்று ஒரே நாளில் இரண்டு முறை தங்கம் விலை குறைந்துள்ளது.. அதன்படி இன்று காலை கிராமுக்கு ரூ.600 குறைந்த நிலையில் மாலையும் ரூ.350 குறைந்தது.. எனவே இன்று மட்டும் தங்கம் விலை கிராமுக்கு ரூ.950 குறைந்து ரூ.15,850க்கு விற்பனை செய்யப்படுகிறது.. இதனால் தங்கம் விலை இன்று ஒரே நாளில் சவரனுக்கு ரூ.7,600 குறைந்து ரூ.1,26,800-க்கு விற்பனை செய்யப்படுகிறது..
அதே போல் இன்று ஒரே நாளில் வெள்ளி விலை கிராமுக்கு ரூ.20 குறைந்து ரூ.405க்கு விற்பனை செய்யப்படுகிறது.. இதனால் ஒரு கிலோ வெள்ளி ரூ.20,000 குறைந்து ரூ.4.05 லட்சத்திற்கு விற்பனையாகிறது.. தங்கம், வெள்ளி இன்று அதிரடியாக குறைந்துள்ளதால் நகைப்பிரியர்கள் மகிழ்ச்சி அடைந்துள்ளனர்..
