கர்நாடக மாநிலம் உத்தர கன்னடா மாவட்டத்தின் தண்டேலி பகுதியில் பள்ளி ஒன்று செயல்பட்டு வருகிறது. இந்த பள்ளியில் படிக்கும் 9 மற்றும் 10ஆம் வகுப்பு மாணவிகள் 14 பேர் தங்களது கைகளை பிளேடு போன்ற கூர்மையான பொருள் கொண்டு அறுத்துக்கொண்டுள்ளதாகக் கூறப்படுகிறது. இது குறித்து தலைமை ஆசிரியருக்கு தகவல் தெரிந்ததும், அவர்களை மருத்துவமனைக்கு அழைத்துச் சென்றுள்ளனர். அங்கு அவர்களுக்குச் சிகிச்சை அளிக்கப்பட்டது.
இதனையறிந்து, சம்பவ இடத்திற்கு விரைந்த காவல்துறையினர், மாணவிகளிடம் சம்பவம் குறித்து விசாரணை நடத்தினர். அந்த விசாரணையில் மாணவிகள் டாஸ்க் விளையாட்டு விளையாடியதாகவும், அப்போது அந்த டாஸ்கில் கூறப்பட்டுள்ளது படி ஒரே நேரத்தில் மாணவிகள் கையை அறுத்துக்கொண்டது விசாரணையில் தெரியவந்துள்ளது. இதனைத் தொடர்ந்து இது குறித்து வழக்குப் பதிவு செய்த காவல்துறையினர் தொடர்ந்து விசாரணை நடத்தி வருகின்றனர்.
