ஆரோக்கியத்தை பராமரிக்க உடற்பயிற்சி இலக்குகளை நிர்ணயித்து கொள்வது அவசியமானதாக இருக்கலாம். ஆனால், அதில் சிறிய மாற்றங்களை செய்வதும், சீராக கடைபிடிப்பதும் முக்கியமானதாகும். பிரபல உடற்பயிற்சி பயிற்சியாளர் ரிஷப் தெலாங், 3 எளிய நடவடிக்கைகளால் 6% உடல் கொழுப்பை குறைத்ததாக கூறியுள்ளார்.
உடல் கொழுப்பை 4 முதல் 6 சதவிகிதம் வரை குறைப்பது உங்கள் ஆரோக்கியத்திற்கு ஒரு பெரிய விஷயமாக இருக்கும். ஆனால், கொழுப்பை குறைப்பது நீங்கள் நினைப்பதை விட மிக எளிமையானது. அதற்கு நீங்கள் சரியான நெறிமுறைகளை கடைபிடிக்க வேண்டும் என்று தெரிவித்துள்ளார். தனது உடல் கொழுப்பை எவ்வாறு குறைத்தார் என்பதை உடற்பயிற்சியாளர் தெலாங், கூறியுள்ளார். அதன்படி, “வாரத்தில் 5 நாட்கள் ஸ்குவாட்ஸுடன் சேர்த்து ஹெவி வெயிட்டை லிஃப்ட் செய்ததாகவும், வாரத்திற்கு 2 முறை அதிக எடை கொண்ட கனமான டெட்லிஃப்ட்களை தூக்கியதாகவும் அவர் கூறினார்.
மேலும் மற்றொரு முக்கிய விஷயம் ஜிம்மில் அதிக எடை தூக்கும் போது கலோரி பற்றாக்குறையை பராமரிப்பது முக்கியமானது என்றார். ஜிம் உடற்பயிற்சிகளைத் தவிர்த்து, ஒரு நாளைக்கு 12-15K படிகள் நிதானமான வேகத்தில் நடந்தேன். இன்னும் அதிகமான படிகள் நடக்க வேண்டும் என்பதே எனது இலக்காக இருக்கிறது. அவ்வளவுதான். இந்த எளிய வழிகளை பின்பற்றினாலே அது உங்களுக்கு பயனுள்ளதாக இருக்கும் என்றும் பயிற்சியாளர் தெரிவித்துள்ளார்.
பாடி ஃபேட் என்றால் என்ன? உடல் கொழுப்பு, கொழுப்பு திசு என்றும் அழைக்கப்படுகிறது. இது ஒரு வகையான இணைப்பு திசு ஆகும். இது கொழுப்பு வடிவத்தில் ஆற்றலை சேமிக்கிறது. இது உடலைப் பாதுகாக்கிறது. சில உடல் கொழுப்புகள் ஆரோக்கியத்திற்கு இன்றியமையாததாக இருந்தாலும், அதிகப்படியான உடல் கொழுப்பு இதய நோய், நீரிழிவு மற்றும் உயர் இரத்த அழுத்தம் உள்ளிட்ட பல்வேறு உடல்நலப் பிரச்சனைகளுக்கு வழிவகுக்கும் என்று டாக்டர் மனிஷா அரோரா கூறியுள்ளார்.
இந்த 3 நடவடிக்கைகள் பயனுள்ளதா? இந்த 3 நடவடிக்கைகளும் மிகவும் பயனுள்ளவை என்பதை ஒப்புக்கொண்ட டாக்டர் அரோரா, “இந்த 3 மாற்றங்களான, ஆரோக்கியமான உணவைப் பின்பற்றுதல், வழக்கமான உடற்பயிற்சி முறை மற்றும் பயனுள்ள வாழ்க்கை முறை மாற்றங்கள் ஆகியவை உடல் கொழுப்பை குறைப்பதில் முக்கிய பங்கு வகிக்கிறது என்று கூறினார்.
உடற்பயிற்சி: ஏரோபிக் (கார்டியோ) மற்றும் காற்றில்லா (வலிமைப் பயிற்சி) ஆகிய இரண்டிலும் ஈடுபடுவது அவசியம். ஓட்டம் அல்லது சைக்கிள் ஓட்டுதல் போன்ற கார்டியோ உடற்பயிற்சிகள் ஒட்டுமொத்த கலோரி செலவாவதை அதிகரிக்கின்றன. அதே நேரத்தில் வலிமை பயிற்சி தசையை உருவாக்க உதவுகிறது. இது வளர்சிதை மாற்றத்தை அதிகரிக்கிறது மற்றும் கொழுப்பை குறைக்கவும் உதவுகிறது.
வாழ்க்கை முறை மாற்றங்கள்: மோசமான தூக்கம் மற்றும் அதிக மன அழுத்தம் கொழுப்புச் சேமிப்பை ஊக்குவிக்கும் ஹார்மோன் சமநிலையின்மைக்கு வழிவகுக்கும். ஒரு இரவுக்கு குறைந்தது 7-8 மணிநேர தூக்கத்திற்கு முன்னுரிமை அளிப்பது மற்றும் தியானம் அல்லது யோகா போன்ற மன அழுத்தத்தை குறைக்கும் செயல்களை பின்பற்றுவது கொழுப்பு குறைப்புக்கான முயற்சிகளில் சிறந்த பலனை அளிக்கும் என்றும் தெரிவித்தார்.
