Building Collapse: நொய்டாவில் நிலம் தோண்டும் பணியின்போது, 3 மாடி கட்டிடம் இடிந்து விழுந்து விபத்துக்குள்ளானதில் இடிபாடுகளுக்குள் பலர் சிக்கியிருக்கலாம் என்று அஞ்சப்படுகிறது.
உத்தரப்பிரதேச மாநிலம் நொய்டாவின் பஹ்லோல்பூர் கிராமத்தில் நேற்று, நிலம் தோண்டும் பணி நடந்து கொண்டிருந்தது. அப்போது, அருகில் இருந்த 3 மாடி கட்டிடத்தின் ஒரு பகுதி திடீரென இடிந்து விழுந்து விபத்துக்குள்ளானது. இதையடுத்து, தகவலறிந்து சம்பவ இடத்திற்கு விரைந்து சென்ற போலீசார், தீயணைப்புத் துறையினர். இடிபாடுகளுக்குள் சிக்கியிருந்த 2 பேரை பத்திரமாக மீட்டனர். இதையடுத்து, அவர்கள் முதலுதவி சிகிச்சைக்காக மருத்துவமனைக்கு கொண்டு செல்லப்பட்டுள்ளனர். மேலும் பலர் இடிபாடுகளுக்குள் சிக்கியிருக்கலாம் என போலீசார் அஞ்சுகின்றனர்.
மேலும், தொடர்ந்து மீட்பு பணிகள் நடைபெற்றுவருவதாகவும், நிலம் தோண்டியதால் இந்த கட்டிடம் இடிந்து விழுந்ததா இல்லை வேறு ஏதேனும் காரணமா என்ற கோணத்தில் போலீசார் தீவிரமாக விசாரித்து வருகின்றனர்.
