இலவச ஆதார் புதுப்பிப்பு
இந்திய தனித்துவ அடையாள ஆணையம் இலவச ஆதார் புதுப்பிப்பு காலக்கெடுவை ஜூன் 14 முதல் செப்டம்பர் 14, 2023 வரை 3 மாதங்களுக்கு நீட்டித்துள்ளது. உங்கள் ஆதார் அட்டையைப் புதுப்பித்து 10 வருடங்கள் ஆகிவிட்டால், நீங்கள் இப்போது ஆதார் அட்டையைப் புதுப்பிக்க வேண்டியது கட்டாயமாகும்.
பான்- ஆதார் இணைப்பு:
பான் எண்ணுடன் ஆதார் எண்ணை இணைக்க வேண்டும் என்று மத்திய நேரடி வரிகள் வாரியம் கடந்த 2017-ம் ஆண்டு இந்த அறிவிப்பை வெளியிட்டது. அதன்பிறகு ஆதார்-பான் இணைப்புக்கான அவகாசம் பல முறை நீட்டிக்கப்பட்டது. ஆனாலும் பலர் இதனை இணைக்காமல் உள்ளதால் மத்திய அரசு தொடர்ந்து இதற்கான கால அவகாசத்தை நீட்டித்து வருகிறது. பான்- ஆதார் இணைக்காத அவர்களின் வங்கி கணக்குகள் செப்டம்பர் 30-ம் தேதிக்கு மேல் முடக்கப்படும் என தெரிவிக்கப்பட்டுள்ளது.
2,000 ரூபாய் நோட்டு மாற்றம்;
இந்திய ரிசர்வ் வங்கி கடந்த மே மாதம் ரூ.2000 நோட்டுகளை புழக்கத்தில் இருந்து திரும்பப் பெற்றது. இந்த நோட்டுகளை டெபாசிட் செய்ய அல்லது மாற்ற நான்கு மாத கால அவகாசம் வழங்கியது. அதன்படி செப்டம்பர் 30-ம் தேதிக்குள் இந்த நோட்டுகளை மாற்ற வேண்டும். இந்த நோட்டுகளை மாற்ற இன்னும் ஒரு மாதம் மட்டுமே உள்ளது என்பதால் 2000 ரூபாய் நோட்டுகளை வைத்திருக்கும் நபர்கள் உடனடியாக வங்கிகளை சென்று மாற்றிக் கொள்ள வேண்டும்.
சம்பள விதிகளில் மாற்றம்:
இன்று முதல், அலுவலகத்தில் பணிபுரிபவர்களின் சம்பள விதிகள் மாற்றப்பட உள்ளன. இந்த புதிய விதிகளின்படி, வீட்டு வாடகை அதிகரிக்கும். சம்பளத்தில் சிறிது பிடித்தம் செய்யப்படும். இன்று முதல் வாடகையில்லா தங்குமிடம் தொடர்பான விதிமுறைகளில் மாற்றம் செய்யப்பட்டுள்ளது.
வங்கி விடுமுறை ;
இந்த மாதம் வங்கிகளுக்கு 16 நாட்கள் முழு விடுமுறை என்பதால், அதற்கேற்ப உங்கள் வேலைகளை திட்டமிட வேண்டும்.
