சிறுமியை பாலியல் வன்கொடுமை செய்து, அந்தரங்க புகைப்படங்களை இன்ஸ்டாகிராம் பக்கத்தில் பிரபல பாடகர் வெளியிட்ட சம்பவம் பெரும் அதிர்ச்சியை ஏற்படுத்தியுள்ளது. அரியானா மாநிலம் குருகிராம் நகரில் வசித்துவரும் போஜ்புரி பாடகர் அபிஷேக் இன்ஸ்டாகிராம் மற்றும் யூடியூப்பில் பிரபலமானவராக திகழ்கிறார். யூடியூபில் 27 ஆயிரம் பேர் இவரை பின்தொடர்கின்றனர்.
இந்நிலையில் சில தினங்களுக்கு முன்பு அபிஷேக் தனது இன்ஸ்டாகிராம் பக்கத்தில் சிறுமி ஒருவரின் அந்தரங்க புகைப்படங்களை பதிவிட்டுள்ளார். இதனை பார்த்து அதிர்ச்சி அடைந்த சிறுமியின் பெற்றோர் காவல் துறையில் புகார் அளித்தனர். புகாரின் அடிப்படையில் வழக்குப்பதிவு செய்த போலீசார் பாடகர் அபிஷேக்கை கைது செய்தனர்.
விசாரணையில் கடந்த 2 ஆண்டுகளுக்கு முன்பு ராஜீவ் நகர் பகுதியில் வசித்து வந்த அபிஷேக் , அதே பகுதியை சேர்ந்த 13 வயது சிறுமியுடன் நட்பாக பழகி, அவரை நம்பவைத்து ஓட்டலுக்கு அழைத்து சென்று, வன்கொடுமை செய்து, சிறுமியின் அந்தரங்க புகைப்படங்களை தனது செல்போனில் படம்பிடித்து வைத்துள்ளார். இதனையடுத்து அபிஷேக்கிடமிருந்து அந்த சிறுமி விலகியுள்ளார். எனினும் பயத்தில் தனக்கு நடந்த சம்பவம் பற்றி வீட்டில் யாரிடமும் சொல்லாமல் இருந்துள்ளார். இந்நிலையில் அந்த சிறுமியின் அந்தரங்க புகைப்படங்களை இன்ஸ்டாகிராம் சமூகவலைதளத்தில் பாடகர் அபிஷேக் வெளியிட்டத்தை பார்த்த சிறுமியின் பெற்றோர், காவல்துறையில் புகார் அளித்ததையடுத்து, பாடகர் அபிஷேக்கை போலீசார் கைது செய்து சிறையில் அடைத்துள்ளனர்.
