இல்லினாய்ஸ், எவன்ஸ்டனில் உள்ள நார்த்வெஸ்டர்ன் பல்கலைக்கழக ஆராய்ச்சியாளர்கள், பூமியின் மேற்பரப்பிற்கு அடியில் மறைந்திருக்கும் ஒரு பரந்த நீர்த்தேக்கத்தைக் கண்டுபிடித்துள்ளனர். இந்த நிலத்தடி நீர் ஆதாரம் பூமியில் உள்ள அனைத்து கடல்களையும் விட 3 மடங்கு பெரியதாகவும். பூமியின் மேற்பரப்பில் இருந்து சுமார் 700 கிமீ தொலைவில் அமைந்துள்ள இந்த நீர் பரப்பு, பூமியின் புவியியல் மற்றும் நீர் சுழற்சியை உணர புதிய வழிகளை இந்த ஆராய்ச்சி திறந்துள்ளது.
பூமியின் நீர் தோற்றத்தை ஆராயும் போது இது கண்டறியப்பட்டதாக விஞ்ஞானிகள் தெரிவித்துள்ளனர். அதாவது, ரிங்வுடைட் எனப்படும் கனிமத்தில் மறைந்திருக்கும் கடல் ஒன்றை ஆராய்ச்சியாளர்கள் கண்டுபிடித்துள்ளனர். இந்த கண்டுபிடிப்பு பூமியின் நீரின் தோற்றத்தை நாம் உணரும் விதத்தை சவால் செய்கிறது. நிலத்தடிப் பெருங்கடல் அனைத்து மேற்பரப்புப் பெருங்கடல்களின் ஒருங்கிணைந்த அளவை விட 3 மடங்கு அதிகமாகும்.
சில விஞ்ஞானிகள் வால்மீன் தாக்கங்களில் இருந்து நீர் தோன்றியதாக நம்பினாலும், இந்த கண்டுபிடிப்பு பூமியின் பெருங்கடல்கள் பூமியின் ஆழத்தில் இருந்து தோன்றியிருக்கலாம் என்று கணிக்கின்றனர். ஆராய்ச்சிக்கு தலைமை தாங்கிய இல்லினாய்ஸில் உள்ள நார்த்வெஸ்டர்ன் பல்கலைக்கழக விஞ்ஞானி ஸ்டீவன் ஜேக்கப்சன் ஒரு நேர்காணலில், ”பூமியின் நீர் பூமியின் உள்ளே இருந்து வந்தது என்பதற்கு இது வலுவான ஆதாரத்தை காட்டுகிறது” என்றார்.
அமெரிக்கா முழுவதும் 2 ஆயிரம் நில அதிர்வு வரைபடங்களைப் பயன்படுத்தி ஒரு கடலையே ஆராய்ச்சியாளர்கள் கண்டுபிடித்துள்ளனர். அவர்கள் 500 நிலநடுக்கங்களில் இருந்து நில அதிர்வு அலைகளைப் பார்த்ததாக கூறியுள்ளனர். இந்த அலைகள் பூமியின் உட்புறத்தில் பயணித்தபோது அவை வேகத்தைக் குறைத்ததாகவும், கீழே உள்ள பாறைகளில் தண்ணீர் இருப்பதை இது காட்டுவதாக விஞ்ஞானிகள் கூறுகின்றன. விஞ்ஞானி ஜேக்கப்சன் இந்த நீர்த்தேக்கத்தின் முக்கியத்துவத்தை எடுத்துரைத்தார். இந்த நீர் இல்லாமல் இருந்துவிட்டால், பூமியில் உள்ள அனைத்து நீரும் மேற்பரப்பில் இருக்கும், மேலும் நாம் மலை சிகரங்களை மட்டுமே பார்க்க முடியும் என்று அவர் விளக்கினார்.
Read More : பாடையில் படுக்க வைத்து இப்படி ஒரு நேர்த்திக்கடனா..? சேலத்தில் நடந்த விநோதம்..!!
