பிரபல மலையாள இயக்குனர் ஷாஜி என்.கருண் காலமானார். அவருக்கு வயது 73.
மலையாள சினிமாவுக்கு தேசிய மற்றும் சர்வதேச தளங்களில் பெருமை சேர்த்த இயக்குநர்களில் ஒருவர் ஷாஜி என் கருண். இவர், மலையாள முற்போக்கு கலை இலக்கிய சங்கத்தின் மாநில குழு தலைவராகவும் பொறுப்பு வகித்துள்ளார். ஷாஜி என்.கருண் இயக்கிய ‘Piravi’ (1988), ‘Vanaprastham’ (1999), Kutty Srank (2009) ஆகிய திரைப்படங்கள் தேசிய விருதை தட்டிச் சென்றது.
மேலும், இவர் இயக்கிய Piravi, Swaham மற்றும் Vanaprastham ஆகிய படங்கள் கேன்ஸ் திரைப்பட விழாவில் தேர்வாகி பாராட்டுகளை குவித்தது. திரைத்துறையில் சிறந்து விளங்கிய இவர், கேரள அரசின் வாழ்நாள் சாதனையாளுக்கான உயரிய விருதான ‘JC Daniel Award’ விருதைப் பெற்றவர். மேலும் பல உயரிய விருதுகளை வாங்கி குவித்துள்ளார். மேலும், இவரது சேவையை பாராட்டும் விதமாக மத்திய அரசு இவருக்கு பத்மஸ்ரீ விருது வழங்கி கவிரவித்தது.
இந்நிலையில் தான், ஷாஜி என் கருண், நேற்று (ஏப்ரல் 28), தனது 73-வது வயதில் காலமாகிவிட்டார். திரைத்துறையினர் பலரும் ஷாஜி என் கருண் அவர்களுக்கு தங்களது உருக்கமான இரங்கல்களைத் தெரிவித்து வருகின்றனர்.
