தொடர்ந்து 6 மாதங்களுக்கு ரேஷன் கார்டு மூலமாக எந்தவித பொருட்களும் வாங்கவில்லையெனில் ரேஷன் கார்டு ரத்தாக வாய்ப்புள்ளதாக அறிவிப்பு வெளியாகியுள்ளது.
நாடு முழுவதும் ரேஷன் கார்டு தொடர்பாக பல்வேறு குற்றச்சாட்டுகள் தொடர்ந்து நடைபெற்று வருகிறது. அதாவது, ரேஷன் கடைகளில் பெறப்படும் பொருட்களை கள்ளச்சந்தையில் விற்பனை செய்வது உள்ளிட்ட பல்வேறு குளறுபடிகள் நடைபெற்று வரும் நிலையில், அரசு ரேஷன் கார்டுகளை ரத்து செய்து வருகிறது. இந்நிலையில், கேரளா அரசு Operation Yellow என்கிற பெயரில் தகுதியில்லாத ரேஷன் கார்டுகளை ரத்து செய்து வருகிறது.
அதாவது, கடந்த செப்டம்பர் முதல் டிசம்பர் மாதத்தில் மட்டுமே 17,696 ரேஷன் கார்டுகள் ரத்து செய்யப்பட்டுள்ளதாகவும், குற்றச்சாட்டுகளில் சிக்கும் ரேஷன் கார்டுதாரர்கள் மூலமாக ரூ. 4 கோடிக்கு மேல் அபராதம் வசூலிக்கப்பட்டுள்ளதாகவும் அரசு அறிவித்துள்ளது. மேலும், தொடர்ந்து 6 மாதங்களுக்கு மேல் ரேஷன் கார்டு மூலமாக எந்த பொருட்களும் வாங்கவில்லை எனில் ரேஷன் கார்டுகள் ரத்து செய்யப்படும் எனவும் அறிவுறுத்தப்பட்டுள்ளது. அதாவது, தகுதியுள்ள ரேஷன் கார்டுதாரர்களுக்கு முழு பலன் கிடைக்க வேண்டும் என்கிற நோக்கில் இந்த நடவடிக்கை எடுக்கப்பட்டு வருவதாக தெரிவிக்கப்பட்டுள்ளது.
