தமிழ்நாட்டில் சில சமயங்களில் கோவில்களுக்கு நேரில் சென்று தரிசிக்க இயலாத பக்தர்கள் பலரும் தங்களுடைய வீட்டிலிருந்து கொண்டே கோவில் பிரசாதங்களை பெற்று வருகிறார்கள். அதன் அடிப்படையில், தற்போது வரையில் 49 பிரசித்தி பெற்ற கோவில்களின் பிரசாதத்தை பக்தர்களின் வீடுகளுக்கு தபால் மூலமாக இந்து சமய அறநிலையத்துறை அனுப்பி வைத்திருக்கிறது.
இந்த நிலையில் தான் ராமநாதபுரம் மாவட்டத்தில் இருக்கின்ற ராமேஸ்வரத்தில் புகழ்பெற்ற ராமநாதசுவாமி கோவில் பிரசாதமும் பக்தர்களின் வீட்டிற்கு தபால் மூலமாக அனுப்பி வைக்க திட்டமிடப்பட்டிருக்கிறது.
அதன் அடிப்படையில் கோவிலில் இருந்து தீர்த்தம், 50 கிராம் கற்கண்டு, ராமநாதசுவாமி மற்றும் பத்மதர்ஷினி அம்பாள் படம் விபூதி மற்றும் குங்குமம் போன்ற பிரசாதம் பக்தர்களின் வீட்டுக்கு தபால் மூலமாக அனுப்பி வைக்கப்படும் என்று இந்து சமய அறநிலையத்துறை தெரிவித்திருக்கிறது. இதற்கு பக்தர்கள் இந்து சமய அறநிலையத்துறையின் www.hrce.tn.gov.in என்ற இணையதளம் மூலமாக முன்பதிவு செய்யலாம் என்றும் தபால் மூலமாக பிரசாதம் பெறுவதற்கு பக்தர்கள் 145 ரூபாய் கட்டணம் செலுத்த வேண்டும் என்றும் தெரிவிக்கப்பட்டு இருக்கிறது.
