பிரபல நாடக நடிகரும் இயக்குனருமான அமீர் ராசா ஹுசைன், உடல் குறைவு காரணமாக காலமானார்.
பிரபல நாடக நடிகரும் இயக்குனருமான அமீர் ராசா ஹுசைன், உடல் குறைவு காரணமாக காலமானார். அவருக்கு வயது 66. 1974 ஆம் ஆண்டு நிறுவப்பட்ட ஸ்டேஜிடூர் நாடக நிறுவனத்தின் கிரியேட்டிவ் டைரக்டராக தனது பணியை தொடங்கிய இவர் 91 க்கும் மேற்பட்ட தயாரிப்புகள் மற்றும் 1,100 க்கும் மேற்பட்ட நிகழ்ச்சிகளை நடத்தி உள்ளார்.
லக்னோவில் பிறந்த அவர், 1968 இல் தனது 10வது வயதில் அஜ்மீரில் உள்ள மாயோ கல்லூரியில் பயின்றார், மேலும் பள்ளிப் படிப்பை முடித்த பிறகு, டெல்லியில் உள்ள செயின்ட் ஸ்டீபன் கல்லூரியில் வரலாற்றைப் படித்தார். ஜாய் மைக்கேல், பேரி ஜான் மற்றும் மார்கஸ் மர்ச் போன்ற இயக்குனர்களுடன் இணைந்து பல்வேறு கல்லூரி நாடகங்களில் நடித்தார். 2001 ஆம் ஆண்டு ஹுசைனின் சிறந்த பணிக்காக இந்திய அரசால் பத்மஸ்ரீ விருது வழங்கப்பட்டது.
