பெங்களூருவில் ஓலா, ஊபர், ரேபிடோ உள்ளிட்ட ஆன்லைன் புக்கிங் டாக்ஸி சேவைகளுக்கு தடை விதிக்கப்பட்டுள்ளது.
இது தொடர்பாக கர்நாடகா போக்குவரத்து ஆணையர் டிஎச்எம் குமார் கூறுகையில், ’கடந்த சில நாட்களாகவே ஓலா, ஊபர், ரேபிடோ ஆகிய நிறுவனங்கள் மீது வாடிக்கையாளர்கள் அதிக அளவில் புகார் அளித்துள்ளனர். டாக்ஸி சேவை அளிக்கும் நிறுவனங்கள் கண்மூடித்தனமாக அதிக கட்டணங்கள் வசூலிக்கின்றன. எனவே, சேவைகளை நிறுத்த உத்தரவிடப்பட்டு, விளக்கம் கேட்டு நோட்டீஸ் அனுப்பப்பட்டுள்ளது. உரிய விளக்கம் தரவில்லை என்றால் சட்ட ரீதியான நடவடிக்கை எடுக்கப்படும் என்றுள்ளார்.
பொதுவாக குறைந்தபட்ச கட்டணம் ரூ.50 வரையில் வசூலிக்கப்படும் நிலையில், பெங்களூருவில் ஒன்று, இரண்டு கி.மீ. தூரத்திற்கு குறைந்தபட்ச கட்டணமாக ரூ.100 வசூலிக்கப்படுகிறது. இதனால் ஆத்திரமடைந்துள்ள வாடிக்கையாளர்கள் புகார்களை தந்துள்ளதாக கூறப்படுகிறது. இந்நிலையில், ஓலா, ஊபர், ரேபிடோ உள்ளிட்ட செயலிகளுக்கு மாற்றாக தங்களுக்கு என பிரத்யேக செயலியை உருவாக்க பெங்களூரு ஆட்டோ ஓட்டுனர் சங்கம் திட்டமிட்டுள்ளது.
ஆதார் திட்டத்தின் மூளையாக திகழும் நந்தன் நீலகென்னி நடத்தும் நிறுவனத்தின் துணையுடன் Namma Yatri App என்ற செயலியை நவம்பர் 1ஆம் தேதி முதல் அறிமுகப்படுத்தவுள்ளது. நாட்டின் நகரங்களில் முக்கிய அங்கமாக மாறிப்போன இந்த ஓலா, ஊபர் செயலிகளுக்கு பெங்களூரு போன்ற முன்னணி நகரத்திலேயே தடை விதிக்கப்பட்டுள்ளது முக்கிய நகர்வாக பார்க்கப்படுகிறது.
இதையும் படிக்க… ’நடிகையை கடைக்குள் இழுத்து ஷட்டரை மூடிய ஊழியர்கள்’..!! சிம் கார்டு வாங்கச் சென்றபோது விபரீதம்..!!
