நடிகர் விஜய் அரசியலில் குதித்துள்ள நிலையில், அரசியல் பணிகளை நிர்வகிக்க, மக்கள் குறைகளை கேட்க, அறிக்கைகளை வெளியிட, மக்களுடன் எளிதாக தொடர்பில் இருக்க என்று தனியாக ஒரு செயலியை வெளியிட உள்ளதாக தகவல் வெளியாகியுள்ளது.
நடிகர் விஜய் அரசியல் கட்சி தொடங்கியுள்ள நிலையில், அதற்கு தமிழக வெற்றி கழகம் என்று பெயர் வைக்கப்பட்டுள்ளது. இந்த கட்சிக்கான சின்னம் இன்னும் அறிவிக்கப்படவில்லை. விரைவில் தேர்தல் ஆணையத்தில் பதிவு செய்யப்பட்ட பின் கட்சிக்கு சின்னம் அளிக்கப்படும். அதேபோல் கட்சிக்கு கொடி விரைவில் அறிவிக்கப்பட உள்ளது. விஜய் அரசியலில் குதித்துள்ள நிலையில், செயலி ஒன்றை வெளியிட உள்ளாராம்.
அதன்படி அரசியல் பணிகளை நிர்வகிக்க வேண்டும், செயலியில் அறிவிப்புகளை வெளியிட வேண்டும், நேரடியாக மக்கள் குறைகளை கேட்க வசதிகளை ஏற்படுத்த வேண்டும், கட்சிக்கான நிதியை பெற வேண்டும், அறிக்கைகளை வெளியிட வேண்டும், மக்களுடன் எளிதாக தொடர்பில் இருக்க வேண்டும் போன்ற காரணங்களுக்காக தனியாக ஒரு செயலியை வெளியிட இருக்கிறாராம். இதற்கான பணிகள் தற்போது நடந்து வருகிறதாம்.
