இந்திய விண்வெளி ஆராய்ச்சி நிறுவனமான இஸ்ரோ, நிலவை ஆய்வு செய்வதற்காக சந்திரயான் – 3 விண்கலத்தை விண்ணில் செலுத்தியது. இதையடுத்து, சூரியனை ஆய்வு செய்வதற்காக ‘ஆதித்யா எல்-1’ என்ற விண்கலத்தை, ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து வரும் 2ஆம் தேதி காலை 11.50 மணிக்கு பி.எஸ்.எல்.வி. சி-57 ராக்கெட் மூலம் விண்ணில் செலுத்தப்பட உள்ளது.
இந்த விண்கலம் தனது 4 மாத பயணங்களுக்கு பிறகு சென்று சேர்ந்து ஆய்வை தொடங்கவுள்ளது. பொதுவாக ராக்கெட் ஏவுவதை மாணவர்கள் மற்றும் பொதுமக்கள் பார்வையிடுவதற்காக ஸ்ரீஹரிகோட்டாவில் தனியாக 10,000 பேர் அமர்ந்து பார்வையிடும் வகையில் இடம் அமைக்கப்பட்டுள்ளது.
இந்நிலையில், செப்.2ஆம் தேதி விண்ணில் பாய உள்ள ஆதித்யா எல்-1 ராக்கெட்டை நேரில் பார்வையிட விரும்புவோர் https://lvg.shar.gov.in என்ற இணையதளத்தில் பெயரை முன்பதிவு செய்து அதற்கான அனுமதி சீட்டை பெற்றுக் கொள்ளலாம் என்று இஸ்ரோ விஞ்ஞானிகள் அறிவித்துள்ளனர்.
