துணியில்லாமல் நிர்வாணமாக கோவிலுக்கு நுழைய முயன்ற பெண் அகோரி திடீரென தீக்குளிக்க முயன்ற சம்பவம் பரபரப்பை ஏற்படுத்தியது.
நாடு முழுவதும் சுற்றுப்பயணம் மேற்கொண்டுள்ள பெண் அகோரி நாகசாது. இவர், பிரபல கோவில்கள், மடங்கள் ஆகியவற்றிற்கு சுற்றுப்பயணம் மேற்கொண்டு வருகிறார். அந்த வகையில், இன்றைய தினம் தன்னுடைய காரில் ஆந்திர மாநிலம் காளஹஸ்தி கோவிலுக்கு வந்தார். திடீரென்று காளஹஸ்தி கோவில் வளாகத்தில் ஆடையின்றி நிர்வாணமாக வலம் வந்ததை பார்த்து, அங்கிருந்த ஊழியர்கள் அதிர்ச்சி அடைந்தனர்.
இதையடுத்து, அவரை தடுத்து நிறுத்த ஊழியர்கள் முயன்றபோது, அவர்களுடன் கடும் வாக்குவாதம் செய்த அகோரினி நாகசாது. என்னை தடுத்து நிறுத்தினால் பெட்ரோல் ஊற்றி தற்கொலை செய்து கொள்வேன் என்று மிரட்டினார். மேலும், தயாராக கேனில் எடுத்து வந்திருந்த பெட்ரோலை தன் மீதும் தன்னுடைய கார் மீதும் ஊற்றி தீ வைக்க முயன்றார்.
இதனால் பதறிப்போன பாதுகாப்பு ஊழியர்கள் உடனடியாக தண்ணீரை எடுத்து வந்து அவர் மீது ஊற்றி தீக்குளிக்க விடாமல் தடுத்து நிறுத்தினர். இந்நிலையில், அங்கு வந்து சேர்ந்த பெண் ஊழியர்கள் அகோரியுடன் பேச்சுவார்த்தை நடத்தி அவருக்கு ஆடைகளை கொடுத்து அணிய செய்தனர். பெண் அகோரினி கோவில் வளாகத்தில் பெட்ரோல் ஊற்றி தீக்குளிக்க முயன்ற சம்பவம் பெரும் பரபரப்பை ஏற்படுத்தியுள்ளது.
Read More : தமிழ்நாட்டில் உள்ளாட்சி தேர்தல்..? எப்போது தெரியுமா..? அதிகாரப்பூர்வமாக அறிவிக்கும் தேர்தல் ஆணையம்..!!
