தலைநகர் டெல்லியில் உள்ள ‘கடுமையான’ காற்று மாசு மக்களின் ஆரோக்கியத்தில் குறிப்பிடத்தக்க தாக்கங்களை ஏற்படுத்தி வருகின்றன. மிக மோசமான காற்று மாசுபாடு காரணமாக மாநிலத்தில் பல்வேறு கட்டுப்பாடுகள் விதித்துள்ளன. நகரின் நிலவும் நச்சு காற்றின் தாக்கத்தைக் குறைக்க நகரவாசிகள் நடவடிக்கை எடுக்குமாறு நிபுணர்கள் கேட்டுக் கொண்டுள்ளனர். அகில இந்திய மருத்துவ அறிவியல் கழகத்தின் (AIIMS) மருத்துவர் பியூஷ் ரஞ்சன் கருத்துப்படி, வெளிப்புற காற்று மாசுபாட்டின் வெளிப்பாடு மனிதர்களுக்கு புற்றுநோயை ஏற்படுத்தும் என்பதற்கு போதுமான சான்றுகள் உள்ளதாக குறிப்பிட்டுள்ளார்.
இருப்பினும், இந்த மோசமான காற்று மாசுபாடு மாரடைப்பு, பக்கவாதம் மற்றும் மூட்டுவலி போன்ற கரோனரி தமனி நோய்களுக்கும் இடையே நேரடி தொடர்பு இருப்பது தெரிய வந்துள்ளதாகவும் மருத்துவர் ரஞ்சன் கூறினார். அதாவது, காற்று மாசுபாடு சுவாச நோய்களை உண்டாக்குவதைத் தவிர, உடலின் பல்வேறு அமைப்புகளை பாதிக்கிறது என்பதைப் புரிந்துகொள்வது முக்கியம். மாரடைப்பு, மூளை பக்கவாதம் மற்றும் மூட்டுவலி போன்ற கரோனரி தமனி நோய்களுடன் மாசு நேரடித் தொடர்பு கொண்டுள்ளது. அதற்கான அறிவியல் சான்றுகள் எங்களிடம் உள்ளன என்றும் மருத்துவர் ரஞ்சன் ஏஎன்ஐ செய்தி நிறுவனத்திற்கு பதிலளித்துள்ளார்.
இது டிஎன்ஏவை சேதப்படுத்தும், இது புற்றுநோய் செல்களின் வளர்ச்சிக்கு வழிவகுக்கும். காற்று மாசுபாடு வீக்கத்தையும் ஏற்படுத்தும், நோய் எதிர்ப்பு சக்தியை பலவீனப்படுத்துகிறது மற்றும் புற்றுநோய் செல்களை எதிர்த்துப் போராடுவதை உடலுக்கு கடினமாக்குகிறது. மேலும், காற்று மாசுபாடு கருவின் சேதம் அதிகரிக்கும் அபாயத்துடன் இணைக்கப்பட்டுள்ளது. தொடர்ச்சியான வெளிப்பாடு மூளை மற்றும் இதயத்திற்கும் தீங்கு விளைவிக்கும் மற்றும் முன்னெச்சரிக்கைகள் எடுக்கப்படாவிட்டால், எல்லா வயதினருக்கும் கவலையை ஏற்படுத்தும் என்று நிபுணர்கள் எச்சரிக்கை விடுத்துள்ளனர்.
டெல்லியில் PM2.5 மாசுபாட்டின் முக்கிய ஆதாரமாக வாகன உமிழ்வு உள்ளது. இதற்கிடையில், PM2.5 துகள்கள் மிகச்சிறிய மற்றும் மிகவும் ஆபத்தான வகை துகள்கள் ஆகும்.அவை நுரையீரல் மற்றும் இரத்த ஓட்டத்தில் ஆழமாக ஊடுருவ முடியும்.
