சென்னை கிண்டியில் தமிழ் திரையுலகினர் சார்பில் நடைபெற்ற கலைஞர் நூற்றாண்டு விழா நிகழ்ச்சியில், பிரபல இயக்குனர்கள், நடிகர்கள் நடிகைகள் என பலரும் கலந்து கொண்ட நிலையில் நடிகர் அஜித் பங்கேற்கவில்லை.
கடந்த சில மாதங்களுக்கு முன்பு நடைபெற்ற தமிழ் திரைப்படத் தயாரிப்பாளர் சங்க பொதுக்குழுக் கூட்டத்தில் தமிழ் சினிமா வளர்ச்சியில் கருணாநிதியின் பங்களிப்பை போற்றும் விதமாக கலைஞர் நூற்றாண்டு விழா பிரமாண்டமாக நடத்த முடிவு செய்யப்பட்டு, அதற்கான ஒப்புதலும் பெறப்பட்டு, டிசம்பர் மாதம் 24ஆம் தேதி விழாநடத்த ஏற்பாடு செய்யப்பட்டிருந்தது, பின்னர் மிக்ஜாம் புயல் மற்றும் கனமழைகாரணமாக நிகழ்ச்சி ஒத்திவைக்கப்படுவதாக தயாரிப்பாளர் சங்கம் அறிவித்திருந்தது.
இந்நிலையில் இன்று கலைஞர் நூற்றாண்டு விழா சென்னை கிண்டியில் பிரம்மாண்டமாக நடைபெற்று வருகிறது. இந்த விழாவில், திரைத்துறையை சேர்ந்த முன்னணி நடிகர்கள், இயக்குனர்கள் உள்ளிட்டோர் பங்கேற்றுள்ளனர். இந்த நிகழ்ச்சியில் நடிகர்கள் ரஜினி, கமல், மம்மூட்டி, சிவ ராஜ்குமார், பார்த்திபன், சூர்யா, கார்த்திக், பிரசாந்த், யோகிபாபு, விஜய் ஆன்டனி உள்ளிட்ட பலர் பங்கேற்றனர். மேலும் நடிகைகள், ரோஜா, கௌதமி, நயன்தாரா, கீர்த்திசுரேஷ் உள்ளிட்டோர் பங்கேற்றனர். இயக்குனர்கள் ஷங்கர், வெற்றிமாறன், லோகேஷ் கனகராஜ், பா.ரஞ்சித், நெல்சன் மாறி செல்வராஜ் உள்ளிட்டோர் பங்கேற்றிருந்தனர்.
இந்நிலையில் பிரபலங்கள் பலர் பங்கேற்றுள்ள இந்த நிகழ்ச்சியில் நடிகர் அஜித்தும் பங்கேற்பார் என்று எதிர்பார்க்கப்பட்டது, ஆனால் இந்த நிகழ்ச்சியில் அஜித் பங்கேற்கவில்லை, நடிகர்கள் பலர் வெளிநாடு படப்பிடிப்புகளை நிறுத்திவிட்டு இந்த நிகழ்ச்சியில் கலந்துகொண்டுள்ள நிலையில், நடிகர் அஜித் வராதது பேசுபொருளாக மாறியுள்ளது. ஏற்கனவே நடிகர் அஜித் விஜயகாந்தின் மறைவிற்கு பங்கேற்காதது குறிப்பிடத்தக்கது.
