துணிவு படத்திற்கு பிறகு நடிகர் அஜித்தின் அடுத்த படத்தை விக்னேஷ் சிவன் இயக்க உள்ளதாக கடந்த ஆண்டு அறிவிக்கப்பட்டது.. தற்காலிகமாக AK 62 என்று பெயரிடப்பட்டுள்ள இப்படத்தை லைகா நிறுவனம் தயாரிக்க உள்ளதாக கூறப்பட்டது. ஆனால் விக்னேஷ் சிவன் கொடுத்த கதையில் அஜீத் திருப்தி அடையவில்லை என்பதால், அப்படத்தில் இருந்து விக்னேஷ் சிவன் விலகியதாக கூறப்படுகிறது.. மறுபுறம் நடிகர் விஜய் லோகேஷ் கனகராஜுடன் கைகோர்த்துள்ள, லியோ படம் மிகப்பெரிய எதிர்பார்ப்பை ஏற்படுத்தி உள்ளது.. எனவே அதற்கு இணையான எதிர்பார்ப்பை உருவாக்க மிகப்பெரிய மாஸ் ஆக்ஷன் படத்தில் நடிக்க அஜித் முடிவு செய்துள்ளாராம்.. இதனால், அட்லீ, பிரசாந்த் நீல், விஷ்ணு வர்தன், மகிழ் திருமேனி போன்ற இயக்குனர்களிடம் அஜித் தரப்பில் பேச்சுவார்த்தை நடத்தப்பட்டது..
அட்லீ, பிரசாந்த் நீல், விஷ்ணுவர்தன் ஆகியோர் ஏற்கனவே பிசியாக உள்ளதால், மகிழ் திருமேனி AK 62 படத்தை இயக்க உள்ளதாக கூறப்படுகிறது.. எனினும் இதுகுறித்து லைகா நிறுவனம் எந்த அறிவிப்பையும் அதிகாரப்பூர்வமாக வெளியிடவில்லை.. இந்த படம் துணிவை விட மிகப்பெரிய ஆக்ஷன் படமாக இருக்க வேண்டும் என்று அஜித், மகிழ் திருமேனியிடம் கூறி உள்ளாராம்.. எனவே மகிழ் திருமேனி மீண்டும் கதையில் ஒரு சில மாற்றங்களை செய்து வருகிறாராம்..
எனவே AK 62 படத்தின் அறிவிப்புக்காக அவரின் ஆவலுடன் காத்திருக்கிறார்கள்.. இந்நிலையில் அஜித் மற்றும் தயாரிப்பு தரப்பு ‘AK 62’ என்ற தலைப்பில் ஒரு அறிவிப்பை வெளியிட விரும்பவில்லையாம்.. எனவே படத்தின் அதிகாரப்பூர்வ டைட்டிலுடன் அறிவிப்பை வெளியிட திட்டமிட்டுள்ளார்களாம்.. லைகா நிறுவனம் விரைவில் இந்த அறிவிப்பை வெளியிடும் என்று எதிர்பார்க்கப்படுகிறது..
நடிகர் அஜித் பிப்ரவரி 15 அன்று லண்டனில் இருந்து சென்னை திரும்பிய நிலையில், மகிழ் திருமேனி அஜித்தை சந்தித்து பேசி உள்ளதாக கூறப்படுகிறது.. இப்படத்தை தீபாவளிக்கு ரிலீஸ் செய்ய படக்குழு திட்டமிட்டுள்ளது.. ஆனால் கதையை மீண்டும் எழுதவும் ப்ரீ புரொடக்ஷன் பணிகளை முடிக்கவும் அவகாசம் தேவை என்பதால், படத்தின் வெளியீட்டிலும் தாமதம் ஏற்படலாம் என்று கூறப்படுகிறது…
