நம்மில் பலரும் அடிக்கடி தலைவலி, காய்ச்சல் போன்ற பிரச்சனைகளை புறக்கணிக்கிறோம். ஆனால் சில சூழ்நிலைகளில் இது கடுமையான உடல்நலப் பக்க விளைவுகளையும் ஏற்படுத்தும் என்பது உங்களுக்குத் தெரியுமா? இந்த பொதுவான உடல்நலப் பிரச்சினைகள் சில சூழ்நிலைகளில் தீவிரமான அடிப்படை நோய்களின் அறிகுறியாகவும் இருக்கலாம், இதன் காரணமாக மரணம் ஏற்படும் அபாயம் உள்ளது.
உலகெங்கிலும் அதிகரித்து வரும் மூளைக் கட்டிகளின் அபாயங்கள் குறித்து சுகாதார நிபுணர்கள் மக்களை எச்சரித்து வருகின்றனர். ஒவ்வொரு ஆண்டும் மூளைக் கட்டி நோயால் 2.5 லட்சத்துக்கும் அதிகமானோர் இறப்பதாக புள்ளி விவரங்கள் தெரிவிக்கின்றன.
2020 ஆம் ஆண்டில், மூளைக் கட்டி மற்றும் புற்றுநோயால் 2.46 லட்சம் பேர் இறந்துள்ளனர். மூளையில் கட்டி இருந்தாலும், இதன் அறிகுறிகள் பலருக்கும் தெரிவதில்லை என்று மருத்துவர்கள் கூறுகின்றனர்.
இந்த சூழ்நிலையில், சில பொதுவான அறிகுறிகளுக்கு நீங்கள் தீவிர கவனம் செலுத்துவது அவசியம். இதனால் தான் அடிக்கடி வரும் தலைவலியை அலட்சியப்படுத்த வேண்டாம் என மருத்துவர்கள் அறிவுறுத்துகின்றனர்.
உங்களுக்கு மூளையில் கட்டி இருக்கிறதா என்பதை கண்டுபிடிப்பது எப்படி என்று பார்ப்போம்?
மூளைக் கட்டியின் அறிகுறிகளை பற்றி அறிவதற்கு முன், மூளைக் கட்டி என்றால் என்ன என்பதைப் புரிந்துகொள்வது அவசியம்?
மூளையில் அல்லது அதைச் சுற்றியுள்ள செல்களின் கட்டுப்பாடற்ற வளர்ச்சியால் மூளைக் கட்டி ஏற்படுகிறது. இது புற்றுநோய் காரணியாகவும் இருக்கலாம். மூளையில் 120க்கும் மேற்பட்ட பல்வேறு வகையான கட்டிகள் உருவாகலாம் என ஆய்வுகள் தெரிவிக்கின்றன.
இது தவிர, பிளாஸ்டிக் மற்றும் ரசாயனத் தொழிலில் வேலை செய்பவர்களும் அதிக ஆபத்தில் உள்ளனர். பரம்பரை, வாழ்க்கை முறை-உணவுக் கோளாறுகள், சுற்றுச்சூழல் நிலைமைகள் உள்ளிட்ட பல்வேறு பிரச்சனைகள் காரணமாக இந்த பிரச்சனை ஏற்படலாம்.
மூளையில் கட்டி ஏற்பட்டால், உங்களுக்கு பல வகையான பிரச்சனைகள் இருக்கலாம். தலைவலி அதன் பொதுவான அறிகுறி என்று மருத்துவர்கள் கூறுகிறார்கள். கடுமையான தலைவலி அல்லது தலையில் அழுத்தம் போன்ற போன்ற உணர்வு அல்லது அடிக்கடி தலைவலி ஏற்படுவது ஆகியவை மூளைக்கட்டியின் பொதுவான அறிகுறிகளாகும். உங்களுக்கும் இதுபோன்ற பிரச்சனை இருந்தால், கண்டிப்பாக மருத்துவரை அணுகவும்.
மூளைக் கட்டியின் அறிகுறிகள் அதன் அளவு மற்றும் இருப்பிடத்தை பொறுத்தது. பல சந்தர்ப்பங்களில், மூளைக் கட்டி எவ்வளவு வேகமாக வளர்கிறது என்பதைப் பொறுத்தும் அறிகுறிகள் இருக்கும்.
மூளைக் கட்டி பிரச்சனை உள்ளவர்கள் பல வகையான உடல்நலப் பிரச்சனைகளுக்கு ஆளாக நேரிடும். அது பல வகையான அறிகுறிகளைக் கொண்டிருக்கலாம்.
மூளைக்கட்டியின் அறிகுறிகள் என்னென்ன?
காலையில் அதிகமாக இருக்கும் தலைவலி அல்லது அழுத்தம்.
அடிக்கடி ஏற்படும் தலைவலி மற்றும் மிகவும் கடுமையானது.
குமட்டல் அல்லது வாந்தி போன்ற உணர்வு.
மங்கலான பார்வை, இரட்டை பார்வை போன்ற கண் பிரச்சனைகள்.
கைகள் அல்லது கால்களில் உணர்வு இழப்பு
உடல் சமநிலை மற்றும் பேச்சில் சிரமம்.
காலப்போக்கில் நினைவாற்றல் பிரச்சினைகள்.
அடிக்கடி தலைசுற்றுவது அல்லது உலகம் சுழல்வது போன்ற உணர்வு.
மூளைக் கட்டி எப்போதும் புற்றுநோயாக இருக்காது
மூளைக் கட்டியின் அனைத்து நிகழ்வுகளும் புற்றுநோயாக இருக்க வேண்டிய அவசியமில்லை. இது தீவிரமடையும் அபாயத்தை சரியான நேரத்தில் சிகிச்சையளிப்பதன் மூலம் குறைக்கலாம்.
நீங்கள் வயது முதிர்ந்தவராகவோ, பருமனாகவோ இருந்தால், மூளைக் கட்டியின் அறிகுறிகளுக்கு தீவிர கவனம் செலுத்த வேண்டியது அவசியம். நோய் சரியான நேரத்தில் கண்டறியப்பட்டால் உடனடி மருத்துவ கவனிப்பு அல்லது சிகிச்சை மேற்கொள்வதன் மூலம் நோயின் ஆபத்தை குறைக்க முடியும்.
Read More : உங்கள் சிறுநீரகங்கள் ஆபத்தில் உள்ளன என்பதை சொல்லும் 7 அறிகுறிகள் இவை தான்… ஒருபோதும் புறக்கணிக்காதீங்க..
