இந்தியாவில் டிசம்பர் 29ஆம் தேதி முதல் அமேசான் நிறுவனம் தனது Food டெலிவரி சேவையை நிறுத்த உள்ளதாக தெரிவித்துள்ளது.
அமேசான் இந்தியாவில் உள்ள தனது உணவக கூட்டாளர்களிடம், மே 2020 இல் தொடங்கிய அதன் உணவு விநியோக சேவையை டிசம்பர் 29 முதல் நிறுத்த முடிவு செய்துள்ளதாகத் தெரிவித்துள்ளது. நீண்ட ஆலோசனைக்கு பிறகு, டிசம்பர் 29, 2022 முதல் Amazon Foodஐ நிறுத்த முடிவு செய்துள்ளோம். இந்தத் தேதிக்குப் பிறகு நீங்கள் Amazon Food மூலம் வாடிக்கையாளர்களிடமிருந்து ஆர்டர்களைப் பெற முடியாது என நிறுவனம் கூறியுள்ளது.
அதுவரை நீங்கள் தொடர்ந்து ஆர்டர்களை தொடர்ந்து பெறலாம்,” என்று அமேசான் தனது உணவக கூட்டாளர்களுக்கு தெரிவித்துள்ளது. இருப்பினும், ஈ-காமர்ஸ் நிறுவனமான அமேசான் உணவகங்களுக்கு அதன் அனைத்து கொடுப்பனவுகள் மற்றும் பிற ஒப்பந்தக் கடமைகளை நிறைவேற்ற உறுதிபூண்டுள்ளது என்று நிறுவனம் தரப்பில் அறிவிக்கப்பட்டுள்ளது.
