இந்தியாவில் மிகவும் பிரபலமான பல்வேறு வகை தெரு உணவுகள் உள்ளன. பலதரப்பட்ட வண்ணமயமான மற்றும் சுவையான தெரு உணவு கலாச்சாரம் இந்தியாவில் அதிகமாக இருந்தாலும், அது கல்லீரல் ஆரோக்கியத்திற்கு பாதிப்பை ஏற்படுத்தும் என்பது உங்களுக்கு தெரியுமா? ஆரோக்கியமற்ற சமையல் நடைமுறைகளான எண்ணெய் மற்றும் அதிக கொழுப்பு உள்ளடக்கம் போன்றவற்றை மீண்டும் மீண்டும் சாப்பிடுவதால், ஆல்கஹால் அல்லாத கொழுப்பு கல்லீரல் நோய் (NAFLD) அபாயத்திற்கு பங்களிக்கிறது.
தெரு உணவு மற்றும் கொழுப்பு கல்லீரல் நோய்: கொழுப்பு கல்லீரல் நோய் முக்கியமாக கல்லீரலில் குவிந்திருக்கும் அதிகப்படியான கொழுப்பு திரட்சியிலிருந்து உருவாகிறது. இது வீக்கம் மற்றும் சாத்தியமான நிரந்தர பாதிப்பிற்கு வழிவகுக்கிறது. தெரு உணவுகளை வழக்கமாக உட்கொள்வது, அதிக கொழுப்பு உள்ளடக்கம் மற்றும் ஆபத்தான சுகாதார பிரச்சனைகளை ஏற்படுத்தும்.
மேலும், இது சில நேரங்களில் உயிருக்கு ஆபத்தான சுகாதார பிரச்சனைகளுக்கும் வழிவகுக்கிறது. வறுத்த தின்பண்டங்கள், உப்பு நிறைந்த உணவுகள், எண்ணெயுடன் மினுமினுக்கும் கறிகள் மற்றும் நிறைவுற்ற கொழுப்பு நிறைந்த இனிப்புகள் ஆகிய உணவுகளை பெரும்பாலும் உங்களால் தவிர்க்க முடியாமல் இருக்கலாம்.
ஆனால், உங்கள் நாவின் பேச்சை கேட்டு உட்கொண்டால், உங்கள் கல்லீரலின் ஆரோக்கியம் பாதிக்கப்படும் என்பதை நினைவில் வைத்துக் கொள்ளுங்கள். ஆரோக்கியமான உணவுகளை மட்டும் நீங்கள் சாப்பிட்டால், நீங்கள் ஆரோக்கியமாக வாழலாம்.
அதிகப்படியான நுகர்வு ஆபத்து: தெரு உணவு மற்றும் கொழுப்பு கல்லீரல் நோய்களின் தொடர்புக்கு பங்களிக்கும் மற்றொரு காரணி அதிகப்படியான நுகர்வு. இந்த ஆரோக்கியமற்ற உணவுகளை நீங்கள் அதிகமாக சாப்பிடுவது ஆபத்தானது. இந்த உணவுகள் அதிக கலோரி நிறைந்தவை மற்றும் உங்கள் உடல் எடையை அதிகரிக்க வழிவகுக்கிறது.
கொழுப்பு கல்லீரல் நோய் உருவாவதற்கு உடல் பருமன் முதன்மையான காரணியாகும். எனவே, ஒவ்வொரு சுவையான கடியை மட்டும் ரசிக்காமல், அதில் பதுங்கியிருக்கும் ஆபத்துக்களை தெரிந்துகொள்வது நல்லது.
அபாயத்தை நிர்வகித்தல்: தெரு உணவுகளை ருசிக்கும்போது நிதானம் இன்றியமையாதது. இந்த உணவுகளை தினசரி வழக்கமாக்கி விடாமல் அவ்வப்போது ருசிப்பது ஆபத்தை கணிசமாகக் குறைக்கும். மேலும், சிறந்த சமையல் முறைகளை பின்பற்றி சமைப்பது மற்றும் வறுத்த உணவுகளை தவிர்த்து, வேகவைத்த உணவுகளை தேர்ந்தெடுப்பது ஆரோக்கியமான தேர்வாக இருக்கும்.
