ஆரோக்கியம் குறித்த செயல்பாடுகளில் கவனம் செலுத்துபவர்கள், மேலும் சில எளிய பழக்கவழக்க மாற்றங்களை பின்பற்றுவது குறித்து இதில் பார்க்கலாம்.
தினசரி ஆரோக்கியமான உணவுகளை உண்ணுவதன் அவசியத்தை பலரும் புரிந்துகொண்டுள்ளனர். ஆனாலும் ஆரோக்கியம் குறித்த தீர்மானங்களை செயல்படுத்துவதில் பலர் தவறிவிடுகின்றனர். சில எளிய பழக்கவழக்க மாற்றங்கள் ஆரோக்கியத்தை மேம்படுத்த உதவும் என்று ஊட்டச்சத்து நிபுணர்கள் கூறுகின்றனர்.ஒவ்வொருவரும் அவரவர் ஆரோக்கியத்துக்கு முக்கியத்துவம் கொடுப்பது 3 ஹெல்தி லைஃப்ஸ்டைல் செயல்படுத்த வழிவகுக்கும். முடிந்தவரை இயற்கை வடிவிலேயே உணவுகளை உண்ணுங்கள் என்று நிபுணர்கள் பரிந்துரைக்கின்றனர்.
ஜூஸாக குடிப்பதைவிட பழங்களை அப்படியே சாப்பிடலாம். முடிந்தவரை காய்கறிகளையும்கூட அரை வேக்காடகவே சாப்பிடலாம். முற்றிலும் சமைத்தோ, மசித்தோ மசாலாக்களை சேர்த்து சாப்பிடுவதைவிட இது சிறந்தது. காய்கறிகள் மற்றும் முட்டைகோஸ் போன்றவற்றை சுவைக்காக சமைத்து சாப்பிடும்போது அதில் சிறிது தேங்காயை சேர்ப்பது சிறந்தது. இல்லாவிட்டால் வெங்காயம், குடை மிளகாயையும் சேர்த்துக்கொள்ளலாம்.ஆரோக்கியமான வாழ்க்கைக்கு உடல் இயக்கம் எவ்வளவு முக்கியம் என்பது நம் அனைவருக்கும் நன்கு தெரியும். தினசரி குறைந்தது 15 நிமிடங்களாவது உடற்பயிற்சி செய்வது உடல் எடையை கட்டுக்குள் வைத்திருக்க உதவும். இதனை தினசரி பழக்கமாக்கி கொள்வது சிறந்தது. கார்டியோ மற்றும் யோகா பயிற்சிகளை தவிர பிற உடற்பயிற்சிகளும் தேவை. எடையை கட்டுக்குள் வைத்திருக்க உதவும் உடற்பயிற்சிகள் உடல் கட்டமைப்பை பராமரிக்க உதவும்.
சரிவிகித உணவை எடுத்துக்கொள்ளாததால் ஊட்டச்சத்து குறைபாடுகள் ஏற்படுகிறது. எனவே உணவு பழக்கங்களை முறையாக கடைபிடிக்க இயலாதவர்கள் வைட்டமின் ஏ, பி, சி, டி, இ மற்றும் ஜிங்க் போன்றவற்றை எடுத்துக்கொள்வது மிகமிக அவசியம் என அறிவுறுத்துகிறார்கள் நிபுணர்கள். ஆனால் அவை மருத்துவரின் பரிந்துரையுடன் எடுத்துக்கொள்ள வேண்டும் என்பதை மறக்கவேண்டாம்.
