2019 மற்றும் 2021-க்கு இடைப்பட்ட மூன்று ஆண்டுகளில் இந்தியாவில் சுமார் 13 லட்சம் சிறுமிகள் மற்றும் பெண்கள் காணாமல் போயுள்ளனர். இதில் அதிகபட்சமாக மத்தியப் பிரதேசம் மாநிலத்தில் சுமார் 2 லட்சம் பேர், இரண்டாவது இடத்தில் மேற்கு வங்க மாநிலம் உள்ளதாக மத்திய உள்துறை அமைச்சகம் மக்களவையில் தெரிவித்துள்ளது.
2019 முதல் 2021 வரை நாடு முழுவதும் 18 வயதுக்கு மேற்பட்ட 10,61,648 பெண்களும், 18 வயதுக்குட்பட்ட 2,51,430 சிறுமிகளும் காணாமல் போயுள்ளதாக உள்துறை இணை அமைச்சர் அஜய் குமார் மிஸ்ரா ராஜ்யசபாவில் தெரிவித்தார். “2019 ஆம் ஆண்டில், காணாமல் போன சிறுமிகள் மற்றும் பெண்களின் எண்ணிக்கை முறையே 82,084 மற்றும் 3,42,168 ஆகவும், 2020 ஆம் ஆண்டில், 79, 233 சிறுமிகளும், 3,44,422 பெண்களும் காணாமல் போயுள்ளனர்” என்று அவர் கூறினார்.