தமிழகத்தில் பள்ளி மாணவர்களுக்கு இறுதி தேர்வுகள் மார்ச் மாதத்தில் தொடங்கி ஏப்ரல் மாதம் வரை நடைபெறுவது வழக்கம். இதில், 9ஆம் வகுப்பு வரையிலான மாணவர்களுக்கு பருவத் தேர்வாகவும், 10, 11, 12ஆம் வகுப்பு மாணவர்களுக்கு பொதுத் ர்வாகவும் நடைபெறுகிறது. தமிழகத்தில் மொத்தம் 27.30 லட்சம் மாணவர்கள் பொதுத்தேர்வை எழுத உள்ளனர். இந்நிலையில் 10,11 மற்றும் 12ஆம் வகுப்பு பொதுத்தேர்வுகள் எழுத உள்ள மாணவர்களுக்கு முதலமைச்சர் முக.ஸ்டாலின் வாழ்த்து தெரிவித்துள்ளார்.
இதுகுறித்து அவர் கூறுகையில், ”எந்தவிதமான தயக்கமும் இல்லாமல் தேர்வை எதிர்கொள்ளுங்கள் எனவும், பொதுத்தேர்வுவை பார்த்து ஒரு டென்ஷனும் வேண்டாம் எந்த ஒரு பயமும் வேண்டாம். பொதுத்தேர்வில் எந்த கேள்வியாக இருந்தாலும் நீங்கள் படிக்கும் புத்தகத்தில் இருந்து தான் வரப்போகிறது என்று அவர் தெரிவித்துள்ளார். அத்துடன், தன்னம்பிக்கையும் மன உறுதியும் தான் தேவையானது. அது இருந்தாலே நீங்கள் பாதி ஜெயித்து விட்டீர்கள். தேர்வு என்பது மாணவர்களை பரிசோதிக்க அல்ல. அடுத்த கட்டத்திற்கு எடுத்துச் செல்வதற்குதான்.
மேலும், தேர்வை பார்த்து பயம் வேண்டாம் பாடங்களை ஆழ்ந்து புரிந்து படியுங்கள். விடைகளை முழுமையாக தெளிவா எழுதுங்கள். நிச்சயமா வெற்றி பெறுவீர்கள். உங்கள் பெற்றோர் மற்றும் ஆசிரியர் போல நானும் உங்கள் வெற்றிக்காக காத்திருக்கிறேன். உங்கள் குடும்பத்தில் ஒருத்தனாக வாழ்த்துகிறேன் ஆல் தி பெஸ்ட்” என தெரிவித்துள்ளார்.
