Avatar: The Last Airbender தொலைக்காட்சி தொடரானது, இருபது ஆண்டு காத்திருப்பிற்கு பின்னர் வெளியாகிறது. இந்தக் கதை நீல நிற கண்களை உடைய சிறுவனைப் பற்றியது. அந்த சிறுவன் ஒரு பனிப்பாறையில் தன்னை ஒரு நூற்றாண்டாக சிறை வைத்துக் கொண்டுள்ளார். அவ்வாறு செய்வதன் மூலம் அவர் சிதைந்த உலகை காப்பாற்ற முடியும் என்பதைப் போல் இந்த கதை படமாக்கப்பட்டுள்ளது.
இந்த தொலைக்காட்சி தொடரின் முதல் பாகம் Netflix இல் வெளியாகி உள்ளது. இது 2005 இல் வெளிவந்த நிக்கலோடியோன் அனிமேஷன் தொடரின் நேரடி ரீமேக் ஆகும். இது 2010இல் வெளிவந்த M நைட் ஷியாமளனின் திரைப்படமான தி லாஸ்ட் ஏர்பெண்டர் என்ற கார்ட்டூன் திரைப்படத்துடன் தொடர்புடையது. ஆனால் ஏர்பெண்டர் படங்களுக்கும் அவதார் படத்துக்கும் எந்த சம்பந்தமும் இருக்கவில்லை. ரசிகர்கள் பட்டாளம், இருபது ஆண்டுகள் காத்திருந்த பின்னரும், இந்தத் தொடருக்கு பெரும் வரவேற்பை கொடுத்துள்ளனர்.
இந்தக் கதை எண்ணற்ற கற்பனை கதைகளுடன் பொருந்துகிறது. இதில் உலகம் பல ராஜ்யங்களாக பிரிந்து உள்ளது. அவற்றை போர்கள் நடந்த வண்ணம் உள்ளன. இதில் அசாதாரண சக்தி உள்ள இளைஞர்கள் வசிக்கிறார்கள். அதில் சிலர் தனது மந்திர சக்திகளை தவறாக பயன்படுத்துகின்றனர்.
இந்த இடங்களானது நிலம், நீர், காற்று மற்றும் நெருப்பு ஆகியவற்றால் வரையறுக்கப்பட்டுள்ளது. ஒவ்வொரு இடத்திலும் வசிப்பவர்கள் தங்களது உள்ளூர் எலிமெண்டை வளைக்கும் திறனை கொண்டிருப்பார்கள். உதாரணத்திற்கு காற்றை வளைத்து அதனை ஆயுதமாக பயன்படுத்தும் ஆற்றலை காற்று பகுதியில் வசிப்பவர்கள் கொண்டிருப்பார்கள். ஆனால் அவதார் என்ற ஒரே நபர், நான்கு எலிமெண்ட்களையும் வளைக்கும் வல்லமையை பெற்றிருப்பார். தீயவர்களை அழிக்கும் பொழுது அவரது கண்கள் நீல நிறமாக மாறும் தன்மையைக் கொண்டிருக்கும்.
Netflix இல் வெளியான முதல் எபிசோடில், 12 வயதான ஆங் (கார்டன் கார்மியர்) என்ற ஒரு அற்புதமான ஏர்பென்டர் அறிமுகமாகிறார். அவர் தனது மூதாதையர்கள் இடமிருந்து, தான் ஒரு அவதார் என்ற செய்தியை பெறுகிறார். பின்பற்றியவர்கள் ஆங்கை தவிர மற்ற ஏர்பெண்டர்களை ஆக்கிரமித்து கொலை செய்கின்றனர். ஆங் ஒரு அவதாராக வெளிப்படுவதற்கு முன்பு, நூற்றாண்டு காலம் தன்னை ஒரு பனிப்பாறைக்குள் சிறை வைத்துக் கொள்கிறார். பின்னர் 14 வயதான வாட்டர்பெண்டர் கட்டாரா உடனும், அவரது மூத்த சகோதரரான சோக்கா உடனும் இணைந்து சிதைந்த உலகை காப்பாற்றும் முயற்சியை துவங்குகிறார்.
முகத்தை நோக்கி பெரிய அம்புக்குறி வடிவில் முக அடையாளங்களைக் கொண்ட ஒரு நபராக ஆங் இருக்கிறார். இந்த அடையாளத்தை வைத்து அங்கிருக்கும் மற்ற சிறுவர்களிடமிருந்து வேறுபட்டு தோன்றுகிறார். மற்றவர்களைப் போல சாதாரணமாக இருக்க விரும்பும் ஆங், தனது புனிதமான கடமைகளை செய்வதற்காக தனது இளமை காலத்தை தியாகம் செய்ய வேண்டும் என்பதை குறிக்கும் நோக்கில் பல உரையாடல்கள் இந்த தொடரில் இடம் பெற்றுள்ளன.
போர்வெறி கொண்ட நெருப்பு தேசத்தின் இளவரசரான இளவரசர் ஜூகோ (டல்லாஸ் லியு) உடன் ஆங் தனது முதல் சண்டையை நடத்துகிறார். ஜூகோவின் முகத்தில் தீக்காயங்கள் இருக்கின்றது. அவர் தனது தந்தையான ராஜாவால் நிராகரிக்கப்பட்டு, நாடு கடத்தப்பட்டுள்ளார். இதனால் தந்தைக்கும் மகனுக்கும் இடையே தீராப் பகை ஏற்படுகிறது.
இதனால் ஜூகோ அடுத்த அவதாரமாக மாற வேண்டும் என்று விரும்புகிறார். இதன் மூலம் தன்னுடைய நாட்டு மக்களுக்கு, தன்னை நிரூபித்து காட்ட முடியும் என்று நம்புகிறார். இதற்காக ஆங்கைத் தொடர முற்படும்போது, வழியில் வரும் எந்த பொது மக்களையும் அழிக்க அவர் தயங்குவதில்லை. அவரிடம் சண்டையிட ஆங் ஒப்புக்கொள்ளும் போது, அவரது கண்கள் நீல நிறமாக மாறுகிறது. தலையில் உள்ள அம்புக்குறி ஒளிர்கிறது.
ஆங், கட்டாரா மற்றும் சொக்காவுடன் இணைந்து பல்வேறு இடங்களுக்கு செல்கிறார். வழியெங்கும் போர் புரிந்து பல வாழ்க்கை பாடங்களை கற்கின்றனர். அதில் காட்டப்படும் காட்சிகள் அனைத்தும் தன்னை கவரும் விதமாக இருக்கின்றது. ஆறு கால் எருமை ஒன்று, மேகங்கள் வழியாக ஒரு இடத்திலிருந்து மற்ற இடத்திற்கு அனைவரையும் கூட்டி செல்கிறது. இதில் நடித்திருக்கும் அனைவரும் தங்களின் கதாபாத்திரங்களை மிகவும் சிறப்பாக ஏற்று நடித்திருக்கின்றனர். மொத்தத்தில் இந்த தொடரானது மக்களிடம் பெரும் வரவேற்பை பெற்று இருக்கிறது.
