ஜிம்மில் உடற்பயிற்சி செய்யும்போது பிரபல தொலைக்காட்சி நடிகர் சித்தாந்த் வீர் சூர்யவன்ஷி காலமானார். அவருக்கு வயது 46.
Kkusum, Waaris, Suryaputra Karn போன்ற நிகழ்ச்சிகள் மூலம் அறியப்பட்ட நடிகர் சித்தாந்த் வீர் சூர்யவன்ஷி இன்று காலமானார். இவருக்கு மனைவி மற்றும் இரண்டு குழந்தைகள் உள்ளனர். ஜிம்மில் உடற்பயிற்சி செய்து கொண்டிருந்தபோது சித்தாந்த் வீர், சுருண்டு விழுந்ததாக கூறப்படுகிறது. இவரை மருத்துவர்கள் காப்பாற்ற முயற்சி செய்தும் அது பலனளிக்காமல் போனது. ஒரு மாடலாக தனது வாழ்க்கையைத் தொடங்கிய பிறகு, ஆனந்த் சூர்யவன்ஷி என்று அழைக்கப்படும் சித்தாந்த் வீர் சூர்யவன்ஷி, Kkusum படத்தின் மூலம் அறிமுகமானார். பல நிகழ்ச்சிகளில் முன்னணி கதாபாத்திரங்களிலும் நடித்துள்ளார். கசௌதி ஜிந்தகி கே, கிருஷ்ணா அர்ஜுன், க்யா தில் மே ஹை போன்ற நிகழ்ச்சிகளில் அவர் முக்கிய வேடங்களில் காணப்பட்டார். அவரது கடைசி திட்டங்களில் கியூன் ரிஷ்டன் மெய் கட்டி பட்டி மற்றும் ஜித்தி தில் ஆகியவை அடங்கும்.
நடிகர் சித்தாந்த் முன்பு ஈரா என்பவரை திருமணம் செய்தார். அவரை கடந்த 2015இல் விவாகரத்து செய்தார். பின்னர், 2017இல் அலெசியா என்பவரை மணந்தார். அவருக்கு முதல் திருமணத்தில் ஒரு மகளும், அதே சமயம் அலேசியாவுக்கு முந்தைய திருமணத்திலிருந்து ஒரு மகனும் இருந்தனர். இவரது மறைவுக்கு நடிகர் ஜெய் பானுஷாலி இன்ஸ்டாகிராமில் இரங்கல் தெரிவித்துள்ளார். நடிகர் சித்தாந்தின் புகைப்படத்தை வெளியிட்டு, “மிக விரைவில் சென்றுவிட்டார்” என்று உருக்கமாக பதிவிட்டுள்ளார்.
