வகுப்பறையில் தனியாக இருந்த 13 வயது சிறுமியை மாணவர்கள் கூட்டு பலாத்காரம் செய்த சம்பவம் பெரும் அதிர்ச்சியை ஏற்படுத்தியுள்ளது.
மகாராஷ்டிர மாநிலம் மும்பையில் மட்டுங்கா என்ற பகுதி உள்ளது. இங்கு BMC என்ற பள்ளி இயங்கி வரும் நிலையில், பல்வேறு மாணவர்கள் படித்து வருகின்றனர். இந்நிலையில், கடந்த சில நாட்களுக்கு முன்பு 8ஆம் வகுப்பு படிக்கும் மாணவர்கள் அனைவரும் நடன பயிற்சிக்கு சென்றுள்ளனர். அப்போது அதே வகுப்பில் படிக்கும் 13 வயது சிறுமி வகுப்பறையில் தனியாக இருந்துள்ளார். மாணவி தனியே இருப்பதை கண்ட 4 மாணவர்கள், அந்த வகுப்பிற்குள் சென்றுள்ளனர். பின்னர் 2 மாணவர்களை வெளியே காவலில் அமர்த்திவிட்டு மற்ற இரண்டு பேரும் வகுப்பறைக்குள் சென்று கதவை பூட்டிக்கொண்டனர். அதோடு அந்த மாணவியை மிரட்டி பாலியல் பலாத்காரம் செய்துள்ளனர்.
இதனால், வலி தாங்க முடியாமல் மாணவி கதறி அழுதுள்ளார். மேலும், இதனை வெளியே சொல்ல கூடாது என்றும் மாணவர்கள் மிரட்டியுள்ளனர். எனவே, மாணவி பள்ளியில் இருந்து பாதியிலேயே வீட்டிற்கு சென்றுள்ளார். அங்கே மாணவி அழுது கொண்டிருப்பதை கண்ட பெற்றோர் இதுகுறித்து கேட்டுள்ளனர். அப்போது தனக்கு நிகழ்ந்த கொடுமை குறித்து கதறி அழுதுகொண்டே தெரிவித்துள்ளார். இதைக்கேட்டதும் அதிர்ந்த பெற்றோர் உடனே காவல் நிலையத்தில் புகார் அளித்தனர். இதையடுத்து குற்றம்சாட்டப்பட்ட சிறுவர்கள் மீது போக்சோ வழக்கில் வழக்குப்பதிவு கைது செய்து நீதிமன்றத்தில் ஆஜர்படுத்தினர். பின்னர் அவர்களை சீர்திருத்தப் பள்ளி சிறையில் அடைத்தனர். மேலும், பாதிக்கப்பட்ட சிறுமிக்கு மருத்துவ பரிசோதனைக்கு பரிந்துரை செய்யப்பட்டுள்ளது. இச்சம்பவம் அங்கு பெரும் அதிர்ச்சியை ஏற்படுத்தியுள்ளது.
