அண்டார்டிகாவில், புதிதாக துளிர்விடும் பூக்கள், புவி வெப்பமடைதலின் ஆபத்தான அறிகுறியை காட்டுவதாக விஞ்ஞானிகள் எச்சரிக்கைவிடுத்துள்ளனர்.
அண்டார்டிகா பூமியின் தென்முனையை சூழ்ந்திருக்கும் உலகின் 7-வது கண்டம். பூமியிலேயே மிகவும் குளிர்ந்த பகுதி இதுதான். புவியின் தென்முனையில் அமைந்திருப்பதனால் இப்பகுதிக்கு சூரியனின் வெப்பம் மிகக் குறைந்த அளவே வந்து சேர்கிறது. இதன் காரணமாக அண்டார்டிகா முழுவதும் ஏறக்குறைய பனிக்கட்டியினால் மூடப்பட்டுள்ளது. ஒரு வருடத்தில் 6 மாதங்கள் சூரியனின் வெளிச்சமே இங்கு இருக்காது. ஆண்டு முழுவதும் 200 மில்லிமீட்டர் அளவு மட்டுமே மழை பெய்யும் பனி பாலைநிலம் அண்டார்டிகா.
மனிதனால் தூண்டப்பட்ட காலநிலை மாற்றத்தின் விளைவாக இப்பகுதியின் வெப்பநிலை சராசரியாக 3 டிகிரி செல்சியஸ் வெப்பமடைந்துள்ளது என்று ஆய்வில் கண்டறியப்பட்டுள்ளது. இன்சுப்ரியா பல்கலைக்கழக ஆராய்ச்சியாளர் நிகோலெட்டா கேனோன் தலைமையிலான குழு ஆராய்ச்சி ஒன்றினை மேற்கொண்டது. அண்டார்டிகாவில், புதிதாக துளிர்விடும் பூக்கள், புவி வெப்பமடைதலின் ஆபத்தான அறிகுறியை காட்டுவதாக விஞ்ஞானிகள் எச்சரிக்கைவிடுத்துள்ளனர். அண்டார்டிகாவில் காலநிலை மாற்றம் காரணமாக முன்பை விட மிக வேகமாக வளர்ந்து வரும் இரண்டு பூச்செடிகள் உள்ளன. இந்த கடுமையான சூழலிலும் உயிர்வாழ்வது அட்டுமல்ல, சில தாவரங்கள் பூக்கும் சிறப்பு வாய்ந்தவை.
குளிர்ந்த கண்டத்தின் ஒரு பகுதியான சிக்னி தீவு என்ற தீவில் இந்த தாவரங்களை விஞ்ஞானிகள் ஆய்வு செய்து வருகின்றனர். இவற்றில் சில தாவரங்கள் 1960 முதல் 2009 வரையிலான ஆண்டுகளுடன் ஒப்பிடும்போது 2009 மற்றும் 2019 க்கு இடையில் 10 மடங்கு வேகமாக வளர்ந்தன. மற்ற தாவரங்கள் முன்பை விட ஐந்து மடங்கு வேகமாக வளர்ந்தன என்று விஞ்ஞானிகள் கூறுகின்றனர்.
இந்த வேகமாக வளரும் தாவரங்கள் இறுதியில் அண்டார்டிகாவில் உள்ள தாவரங்களின் முக்கிய வகைகளான பாசிகள் மற்றும் லைகன்களை விட அதிகமாக இருக்கும். வெப்பமான சூழ்நிலைகள், பூர்வீகமற்ற தாவரங்கள் அங்கு வளரத் தொடங்குகின்றன. இது மென்மையான அண்டார்டிக் சுற்றுச்சூழல் அமைப்பிற்கு ஒரு பிரச்சனையாக மாறும் என்று கூறப்படுகிறது. அறிகுறிகள் தெளிவாக உள்ளன, இது காலநிலை நெருக்கடி பூமியை பாதிக்கும் சிவப்பு எச்சரிக்கை அறிகுறி போன்றது. எனவே, இதை தீவிரமாக பரிசீலிக்க வேண்டியது அவசியம் என்று விஞ்ஞானிகள் எச்சரிக்கைவிடுத்துள்ளனர்.
