சீன விஞ்ஞானிகள் GX_P2V என்ற புதிய வகை கொரோனா வைரஸ் மாறுபாட்டை உருவாக்கி கொண்டிருப்பதாகவும், இது ‘மூளையைத் தாக்கும்’ திறன் கொண்டது என்றும் தகவல் வெளியாகி அதிர்ச்சியை ஏற்படுத்தியுள்ளது.
டெய்லி மெயில் பத்திரிகை இதுகுறித்து வெளியிட்டுள்ள செய்தியில், ”சீன ராணுவத்துடன் தொடர்பில் உள்ள பெய்ஜிங் விஞ்ஞானிகள், பாங்கோலின் எனப்படும் கொறித்துண்ணிளில் காணப்படும் கோவிட் போன்ற வைரஸை குளோன் செய்து, அதை எலிகளின் உடலில் செலுத்தியதாக கூறப்படுகிறது. இந்த புதிய கொரோனா மாறுபாட்டால் பாதிக்கப்பட்ட ஒவ்வொரு எலியும் 8 நாட்களுக்குள் இறந்துவிட்டன. இது மிகவும் விரைவான இறப்பு என்று ஆராய்ச்சிகள் தெரிவிக்கின்றன. மனிதர்களிடம் காணப்படும் புரதத்தை எலிகளால் வெளிப்படுத்த முடிந்தது என்றும், அந்த வைரஸ் மக்களிடையே பரவினால் அது எவ்வாறு செயல்படக்கூடும் என்பது குறித்து விஞ்ஞானிகளுக்கு ஒரு யோசனையை வழங்குவதாகவும் அதில் தெரிவிக்கப்பட்டுள்ளது.
இந்த கண்டுபிடிப்பு GX_P2V மனிதர்களுக்குள் பரவும் அபாயத்தை அடிக்கோடிட்டுக் காட்டுகிறது என்று விஞ்ஞானிகள் தற்போது வெளியிடப்படாத ஆய்வறிக்கையில் எச்சரித்ததாக அந்த பத்திரிகை செய்தி தெரிவித்துள்ளது. எலிகளின் மூளை மற்றும் கண்களில் அதிக அளவு வைரஸ் சுமை இருப்பதையும் விஞ்ஞானிகள் கண்டறிந்துள்ளனர். இந்த அறிக்கைக்கு எதிர்வினையாற்றும், லண்டனைச் சேர்ந்த தொற்று நோய் நிபுணர் பேராசிரியர் ஃபிராங்கோயிஸ் பலூக்ஸ், தனது எக்ஸ் வலைதள பக்கத்தில் பதிவு ஒன்றை வெளியிட்டுள்ளார்.
அதில், “இது ஒரு பயங்கரமான ஆய்வு, விஞ்ஞான ரீதியாக முற்றிலும் அர்த்தமற்றது. சக்திவாய்ந்த நோய் தொற்றிலிருந்து கற்றுக்கொள்ளக்கூடிய தெளிவற்ற ஆர்வத்தை என்னால் காண முடியவில்லை” என்று குறிப்பிட்டுள்ளார். அதேபோல், ரட்ஜர்ஸ் பல்கலைக்கழக வேதியியலாளர் பேராசிரியர் ரிச்சர்ட் எப்ரைட், பேராசிரியர் ஃபிராங்கோயிஸ் பலூக்ஸின் மதிப்பீட்டை முழு மனதுடன் ஆதரிப்பதாக தெரிவித்துள்ளார்.
மேலும், “ஆராய்ச்சிக்காகப் பயன்படுத்தப்படும் உயிரியல் பாதுகாப்பு நிலை மற்றும் உயிரியல் பாதுகாப்பு முன்னெச்சரிக்கை முன்னெச்சரிக்கைகள் முன் அச்சிடப்பட்ட ஆய்வில் குறிப்பிடப்படவில்லை. இந்த தகவல் இல்லாததால், 2016-2019 இல் உஹானில் நடந்த ஆராய்ச்சியைப் போலவே, இந்த ஆராய்ச்சியின் ஒரு பகுதி அல்லது அனைத்தும் கொரோனாவுக்கு காரணமாக இருக்கலாம்” என்றார். இதற்கிடையே, பெய்ஜிங் வேதியியல் தொழில்நுட்ப பல்கலைக்கழகம், தனது ஆய்வில் இந்த வைரஸ் கோவிட் தொற்றுநோய்க்கு முன்பே 2017ஆம் ஆண்டில் மலேசியாவில் பாங்கோலின்களில் கண்டுபிடிக்கப்பட்டது என்று கூறியது என்பது குறிப்பிடத்தக்கது.
