தமிழகத்தில் ஆவின் நிறுவனம் மூலம் பால், ஐஸ்கிரீம், இனிப்பு, நெய் உள்ளிட்ட பால் சார்ந்த பொருட்கள் விற்பனை செய்யப்பட்டு வருகின்றன. இந்நிலையில், ஆவின் நிறுவனம் புதிதாக 10 புதிய பொருட்களை அறிமுகம் செய்யவுள்ளது.
புதிய பொருட்களின் விவரங்கள்..
1. பலாப்பழ ஐஸ்கிரீம் (Jackfruit Ice Cream)
2. வெள்ளை சாக்லேட் (White Chocolate )
3. குளிர்ந்த காஃபி (Cold Coffee)
4. வெண்ணெய் கட்டி (Butter Chiplets)
5. பாஸந்தி (Basundi)
6. ஆவின் ஹெல்த் மிக்ஸ் (Aavin Health Mix)
7. பாலாடைக்கட்டி (Processed Cheese )
8. அடுமனை யோகர்ட் (Baked Yoghurt)
9. ஆவின் பால் பிஸ்கட் (Aavin Milk Biscuit)
10. ஆவின் வெண்ணெய் முறுக்கு (Aavin Butter Murukku )
இந்தப் புதிய பால் பொருட்கள் விற்பனையை ஆகஸ்ட் 20ஆம் தேதி பால்வளத்துறை அமைச்சர் நாசர் தொடங்கி வைக்கவுள்ளார். மத்திய அரசின் கடந்த ஜிஎஸ்டி கவுன்சில் கூட்டத்தில் தயிர், லஸ்ஸி உள்ளிட்ட பால் பொருட்களுக்கான ஜிஎஸ்டி வரி 5 சதவீதத்தை தொடர்ந்து கடந்த ஜூலை 18ஆம் தேதி முதல் தனியார் பால் நிறுவனங்களும் 15 சதவிதம் அளவிற்கு விலையை உயர்த்தி் விற்பனை செய்து வருகின்றன. தயிருக்கு 5% ஜிஎஸ்டி வரி விதிக்கப்பட்டதன் எதிரொலியாக தமிழ்நாட்டில் ஆவின் தயிர், மோர், நெய் போன்றவற்றின் விலை உயர்த்தப்பட்டது. அதன்படி கடந்த 27ஆம் தேதி முதல் ஆவின் பொருட்களின் விலை உயர்த்தப்பட்டது குறிப்பிடத்தக்கது.
