தானே ராபோடி பகுதியை சேர்ந்தவர் பர்வேஜ் (41). இவர் நேற்று முன்தினம் மும்பை சாந்தாகுருஸ் பகுதிக்கு வந்திருந்தார். அங்கிருந்த சையத் அகீல் (40) என்பவரை சந்தித்துள்ளார். இருவரும் பேசிக் கொண்டிருந்தனர், அப்போது அவர்களுக்கிடையே ஏற்பட்ட வாக்குவாதத்தில் ஆத்திரமடைந்த சையத் அகீல் அவர் வைத்திருந்த கத்தியால் பர்வேஷ் சேக்கை சராமாரியாக குத்தியுள்ளார்.
பட்டப்பகலில் நடந்த இந்த சம்பவத்தினால் அந்த பகுதியில் உள்ளவர்கள் அதிர்ச்சி அடைந்தனர். கத்திக்குத்தில் காயமடைந்த பர்வேஷ் சேக்கை மீட்டு மருத்துவமனைக்கு அனுப்பி வைத்தனர். இந்த சம்பவம் குறித்து காவல் நிலையத்திற்கு தகவல் அளித்தனர். மருத்துவமனையில் சேர்க்கப்பட்ட பர்வேஷ் சேக் சிகிச்சை பலனின்றி உயிரிழந்தார். காவல் துறையினர் உடலை மீட்டு உடற்கூறு ஆய்விற்காக அனுப்பி வைத்தனர்.
இந்த சம்பவம் குறித்து காவல்துறையினர் வழக்குப்பதிவு செய்து, சையத் அகிலை கைது செய்தனர். அவரிடம் நடத்திய விசாரணையில் கல்லூரி காலத்தில் பர்வேஷ் சேக்கின் மனைவியுடன் சையத் அகீல் பழகி உள்ளார். இதை காரணம் காட்டி அந்த பெண்ணை அடிக்கடி செல்போனில் தொடர்பு கொண்டு துன்புறுத்தி வந்தார். மன உளைச்சலுக்கு உள்ளான, பெண் தனது கணவர் பர்வேஷ் சேக்கிடம் கூறியுள்ளார். எனவே பர்வேஷ் சேக் அவரை நேரில் சந்தித்து தட்டி கேட்க மும்பை வந்துள்ளார். அப்போது இந்த சம்பவம் நடந்துள்ளது.
