கொரோனா இன்னும் முழுமையாக முடிவுக்கு வரவில்லை. கடந்த ஓராண்டாக இந்தியாவில் குறைந்திருந்த கொரோனா பாதிப்பு, தற்போது மீண்டும் அதிகரிக்க தொடங்கி உள்ளது.. நாட்டில் ஒரு நாள் கொரோனா பாதிப்பு 1000,2000 என உயர்ந்து வந்த நிலையில் தற்போது 3000-ஐ கடந்துள்ளது.. எனவே உங்கள் உடல்நலம் குறித்து நீங்கள் அலட்சியமாக இருக்கக்கூடாது. உங்கள் நோயெதிர்ப்பு மண்டலத்தை வலுப்படுத்த உணவில் நீங்கள் சிறப்பு கவனம் செலுத்த வேண்டும். கோடை காலத்தில், மக்களின் நோய் எதிர்ப்பு சக்தி பலவீனமடைகிறது, இதனால் உடலில் விரைவாக தொற்று ஏற்படுகிறது. பலவீனமான நோய் எதிர்ப்பு சக்தி கொண்டவர்களை கொரோனா வைரஸ் முதலில் பாதிக்கிறது. உங்கள் நோயெதிர்ப்பு சக்தியை அதிகரிக்கும் உணவு பொருட்கள் குறித்து பார்க்கலாம்..
மிளகு, இலவங்கப்பட்டை, இஞ்சி ஆகியவை வெறும் மசாலாப் பொருட்கள் அல்ல, அவை சக்திவாய்ந்த அழற்சி எதிர்ப்பு பண்புகளையும் கொண்டிருக்கின்றன, மேலும் அவை உங்கள் உடலில் இருந்து நச்சுகளை வெளியேற்றுவதில் சிறந்தவை. தொண்டை புண் மற்றும் சளி ஆகியவற்றுக்கு சிறந்த தீர்வாகவும் இவை கருதப்படுகின்றன.. இஞ்சி, கருப்பு மிளகு, எலுமிச்சை, தேன் ஆகியவற்றைக் கொண்டு தயாரிக்கப்படும் தேநீர் உங்கள் உடலுக்கு அதிசயங்களைச் செய்யும்
நெல்லிக்காய் : எல்லோரும் தெரிந்து கொள்ள வேண்டிய ஆயுர்வேத உணவுகளில் நெல்லிக்காயும் ஒன்று. இதில் வைட்டமின் சி அதிகளவு உள்ளதால, இது பெரும்பாலான ஆயுர்வேத மருந்துகளில் பயன்படுத்தப்படும் ஒரு மூலப்பொருள். நீங்கள் பானங்களுக்கு நெல்லிக்காய் ஜூஸை சேர்த்து குடிக்கலாம்..
முளைகட்டிய தானியங்கள் : நம் உடலுக்குத் தேவையான அனைத்து வைட்டமின்கள் மற்றும் தாதுக்களை தினசரி அடிப்படையில் பெறுவது கடினம். முளைக்கட்டிய தானியங்கள் இதற்கு பெரிது உதவுகின்றன.. மெக்னீசியம், துத்தநாகம், வைட்டமின் சி, இரும்பு, புரதம் மற்றும் ஆக்ஸிஜனேற்றிகள் உள்ளிட்ட ஆரோக்கியமான நன்மைகளை உங்களுக்கு வழங்கும். முளைக் கட்டிய தானியங்களை சாலட்டில் சேர்த்து உண்ணலாம்.. இது உங்கள் நோயெதிர்ப்பு மண்டலத்திற்கு கூடுதல் ஊக்கத்தை அளிக்கும்.. அவற்றை காலை உணவாக எடுத்துக் கொள்வது நல்லது..
மஞ்சள் : மஞ்சள் நோய் எதிர்ப்பு சக்தியை அதிகரிக்கும் என்பது பலருக்கும் தெரியும்.. மஞ்சளில் அழற்சி எதிர்ப்பு பண்புகளைக் கொண்ட ஒரு சிறப்பு கலவை குர்குமின் நிறைந்திருக்கிறது. மஞ்சள் ஒரு சக்திவாய்ந்த ஆக்ஸிஜனேற்றியாகவும், இயற்கையான ஆண்டிபயாடிக் ஆகவும் செயல்படுகிறது.. இது வைரஸ்கள் மற்றும் உங்கள் உடலில் உள்ள தேவையற்ற பாக்டீரியாக்களை எதிர்த்துப் போராடும். நீங்கள் சமைக்கும் போது இதைப் பயன்படுத்தலாம் அல்லது பாலில் தேன் சேர்த்து அதில் மஞ்சள் பொடி போட்டு குடிக்கலாம்..
புதினா : கோடையில் புதினாவை கண்டிப்பாக உட்கொள்ள வேண்டும். புதினா இலைகளை சாப்பிடுவது நோய் எதிர்ப்பு சக்தியை பலப்படுத்துகிறது. புதினாவில் வைட்டமின் சி, பாஸ்பரஸ் மற்றும் கால்சியம் நிறைந்துள்ளது. கோடையில் புதினா சாப்பிடுவதால் நோய் எதிர்ப்பு சக்தி பலப்படும்.
காளான்கள் : உங்கள் நோய் எதிர்ப்பு சக்தியை வலுப்படுத்த நீங்கள் காளான்களை சாப்பிட வேண்டும். காளானில் வைட்டமின் டி மற்றும் பல அத்தியாவசிய ஊட்டச்சத்துக்கள் உள்ளன. காளான் ஆரோக்கியத்திற்கு மிகவும் நன்மை பயக்கும். இதன் நுகர்வு நோயெதிர்ப்பு மண்டலத்தை பலப்படுத்துகிறது.
கீரை : நோய் எதிர்ப்பு சக்தியை அதிகரிக்க கீரையை சாப்பிடலாம். கிரை கீரை சாப்பிடுவதால் உடலுக்கு இரும்புச்சத்து, வைட்டமின்கள் மற்றும் நார்ச்சத்து கிடைக்கிறது. கீரை உட்கொள்வதால் நோய் எதிர்ப்பு சக்தி பலப்படும்.
