வங்கி அதிகாரிகளுக்கு ஓய்வூதியம் மற்றும் ஓய்வூதியதாரர்கள் நலத்துறை சார்பில் பயிற்சிப் பட்டறை.
குடும்ப ஓய்வூதியதாரர்களின் வாழ்க்கை முறையை மேம்படுத்துவதற்காக, ஓய்வூதியக் கொள்கை மற்றும் ஓய்வூதியம் தொடர்பான செயல்முறைகளை டிஜிட்டல் மயமாக்குதலில் பல நடவடிக்கைகள் மேற்கொள்ளப்பட்டுள்ளன. ஓய்வூதிய விதிகளில் பல திருத்தங்கள் செய்யப்பட்டு கடந்த 50 ஆண்டுகளில் பல ஆணைகள்/அறிவுரைகள் வழங்கப்பட்டுள்ளன.
இவை ஒருங்கிணைக்கப்பட்டு, 2021 டிசம்பரில் மத்திய சிவில் சர்வீஸ் விதிகள், 2021-ஆகக் கொண்டு வரப்பட்டுள்ளன. ஓய்வூதியம் வழங்குவதில் முக்கியப் பங்கு வங்கிகளுக்கே என்பதால், ஓய்வூதியம் மற்றும் ஓய்வூதியம் பெறுவோர் நலத் துறையானது வங்கிகளின் மத்திய ஓய்வூதிய செயலாக்க மையங்கள் மற்றும் வங்கியில் ஓய்வூதியம் தொடர்பான பணிகளைக் கையாளும் களப்பணியாளர்களுக்கான விழிப்புணர்வுப் பட்டறைகளைத் தொடங்கியுள்ளது.
